Le Yɛɛ Ŋ Chua Yɛ Piɛile Tonyaleŋ Nyɛ Sɔvɛ?

Mi Chuuwaa wa o biyɔɔ niŋnda sɔla kɔl dɛɛniaa a maaŋ Isikiaa che o yilaŋnde niŋndo kanifuule mbo ke nda tiindaŋndo maa piɛile tonyaleŋ le cho miiŋgu. A teleŋ palɛi mɛɛlɛi hei, piɛile tonyaleŋ le “bandu niŋ mi [le] hiou pembuŋ bɛndoŋ kpou.” Nduyɛ ŋ cho wanaa fula o kayii yɛ yɛ niŋ ma huŋ o piɛile tonyaleŋ niŋnda tɛɛŋ. (Ai 2:​2) A yiyaŋ pa lɔɔlɔɔ a dikenaŋ ŋ nɔ le Chɛhowa sinaa a ndu piɛiyo wo?

SALALA PIƐILE TONYALEŊ:

• 

  Nyɛm pɛɛku naa a Mɛlɛka okɔɔ woŋ cho ŋ hɔbɛi. Ŋ yɔŋgu naa mulilaŋ le nyunala sɔvɛlaŋ o yoomoo niŋ, sawala naŋ tual kɔɔli o yoomoo niŋndaŋ, nduyɛ a tiindaŋ kpeekpeiyo.—Ai 48:​17, 18; 65:​13; Luom 15:​4

• Puaapiliaa a ndepiliaa nɔ kaalaa wa o chieeŋndo choo kpou.—Sam 133:​1; Chɔŋ 13:​35

• Dikeŋnaŋndo le waa wallo latulu naa Mɛlɛka waa o wali kɔl dɛɛniaa bɛndoo hoo niŋ.—Walta 20:​35; 1Kɔl 3:​9

• “Kɔl nyulu Mɛlɛka yɔŋgu wo” kindi tiindaŋ naa te ŋ wa pɛ o bahawɛiyo niŋ.—Fil 4:​6, 7

• Kɔl iyama walaŋndo.—2Timo 1:​3

• Chaŋyɛi kpɛɛluŋnde a Chɛhowa.—Sam 25:​14

O nɛila kuɛɛ niŋ ya chɔm yɛ maa piɛile tonyaleŋ le cho nyɛ sɔvɛ?