NYƐM TƆƆMAŊ O DIOM MƐLƐKAA NIŊ | CHƆŊ 5-6
Nɔ Sabu Sɔviɔɔ le Chiisu Tolɔɔ Kɔɔli
Mɛɛ Chiisu dimi tale buɛiyaa nduaa bii bila le wo, mi apum tambu kɔl a hiu lɛ lachi a ndu tolɔɔ kɔɔli le. Mɛɛ Chiisu tosa kaamaa o ke faŋga bɛndoo nyɛdiaa wo paaleŋ lepilɛ okoŋ kɔɔli, ma cha kɛsɛ maa o Mɛlɛka lo kpaaya ndɔɔ chɛŋ ni. Mɛɛ le yɛɛ ndaa tambu yɛ kɔl? O kpeekpei niŋ, le sabu nda wa Chiisu tolɔɔ kɔɔli wo wa le yeemɛi ndɛi ni. Le nyɛm kiɔɔŋ koni nda wa Chiisu holnɔŋndo ni.
Naa kpou nɔ miŋ nyunaŋ aa: ‘Le yɛɛ ya cho yɛ Chiisu tolɔɔ kɔɔli? Baa le mɛɛ ya cho salalaŋ sɔlaa suŋ suŋ a laŋ o chilaŋ niŋ yɛ? Ɔɔ baa le mɛɛ ya kaala Chɛhowa nduyɛ mi yeema le ndu kɔllo nɛŋioo yɛ?’
Le yɛɛ naŋ tambu yɛ kɔl te o yɔŋ pɛ kinɛi miŋ wa Chɛhowa piɛiyo le sabulaŋ ndaŋ?
Ŋ naŋ kɔl le waa a wanaa Mɛlɛkaa
Ŋ yeema miŋ wa o Kpele Hɛnɛkiɔɔ niŋ