Chɛhowa Kaala Wana Yɔŋgu Hoo a Kɔl Chɛlaa Wo

Kɔliŋtiaŋ Diiŋ Ndɔɔ 9:​7, dimul naa aa: “Lelaŋ, wana o wana mɛɛ ŋ kɛɛsiaa o kɔl numndo niŋ le malaa yɛ, yɔŋgu lende. Wana wa yɔŋgoo pɛ, yɔŋgu a kɔl kiisaŋ te. Nduyɛ, wana o wana yɔŋgu ndu mɛɛ nda yɔŋ ko aa, kindilaa nda kindila num ni le. Kani fuule, Mɛlɛka o kaala wana yɔŋgu hoo a kɔl chɛlaa wo.” Hau ŋ nɔ sabula sɔvɛla le toolulaŋ yɔŋgoo o nyɛm mapuuloŋ choo le wali Seiyaa Chɛhowaa tooloo o tanda naa niŋ a Chieeŋndo balɔɔ silɔ.

HANDU VIDUEIYO HOO NƐI CHƆMAA LE TOOLOO YƆŊGOO O NYƐM MAPUULOŊ CHOO OKOŊ, MI LA MULI NYUNALAŊ NDAŊ:

• 

  Vɛɛ naŋ saaluŋ yɛ peele naŋ yɔŋgu tooloo leŋ le sinaa nɛila yɛ yɛla naŋ nɔ le tooloo yɔŋgoo o lɛŋnde naaleŋ niŋndo?

• 

  Vɛɛ waŋnda apum sɔla yɛ niŋ tɔnɔɔ le tooloo yɔŋgoo o nyɛm mapuuloŋ choo?

• 

  Ɔɔ nɛilaŋ lapum la naŋ yɔŋgoo tooloo laŋ?

• 

  Yɛɛ naŋ nɔ yɛ miŋ tosa te ŋ bii bila mɛɛ nda soliŋ nyɛm mapuuluŋ sɛnɛiyoŋ muŋ kpeku yɛ le?