Ŋ WANUŊ MAA ŊKILISIƆŊ
A Nɔla Pa Ma Tɛɛsiaa Laalaŋ Numndo?
Te a nyuna num pɛ maa le yɛɛ ŋ laalaŋ yɛ maa Mɛlɛka toosiaa nyɛ o nyɛ ni, yɛɛ ŋ cho yɛ dimi? Le ma muli nyunaa hoo a kɔllo kpou, a nɔ ma tosa sɔɔŋ ŋmuuŋ: I tasei, num bɛɛ nɔ ma laalaŋ kɛsɛ maa Mɛlɛka toosiaa nyɔɔŋ ni. (Luom 12:1, 2) Okoŋ, ma yiyaŋ a mɛɛ ŋ tɛɛsiaa laalaŋ numndo o wana cheleŋndo yɛ.—Pulɔ 15:28.
LA TOFA VIDUEIYO HOO WANA SINA A YAMBƆƆ LAPAA OKƆƆ WO TƐƐSIAA LAALAŊ NDƆƆ A WANA PƐƐKU A VISIAA OKƆƆ WO TƐƐSIAA LAALAŊ NDƆƆ LE CHƆƆ SABULA ACHELEŊNDA LAALAŊ MAA MƐLƐKA TOOSIAA NYƆƆŊ NI WO OKOŊ, MI LA MULI NYUNALAŊ NDAŊ:
Le yɛɛ Irène Hof Laurenceau laalaŋ yɛ maa Mɛlɛka toosiaa nyɔɔŋ ni mbo hiau nyɔɔŋ hunɔɔ a ba ndɔ?
Le yɛɛ Yaroslav Dovhanych laalaŋ yɛ maa Mɛlɛka toosiaa nyɔɔŋ ni mbo hiau nyɔɔŋ hunɔɔ a ba ndɔ?
Vɛɛ ŋ tɛɛsial lɛ wana cheleŋ le sabu ŋ laalaŋ maa Mɛlɛka toosiaa nyɔɔŋ ni wo?
Yaula kuɛɛ kɔɔna Chɛhowaa soli yɛ o suɛi maŋgalɛi numnde niŋ la mala num a wanaa cheleŋnda le laalaŋndo kɛsɛ maa Mɛlɛka toosiaa nyɔɔŋ kpou ni?