“La Tɛɛmbuu Nyɛ o Nyɛ Nya Sooluu Maa Mɛlɛkaa Nya”

Mi che bɛɛ Chɛhowa ndoo yɔŋgu wɔ sawa a piɔmnda sooluuwo okɔɔ le, kɛ mi Chekɔpu sina maa Chɛhowa kinɛi naŋ nɔ ni miŋ piɛi. (Ɛs 20:​3-5) Lelaŋ, mɛɛ Chɛhowa dimul ndu le mbo miiŋgu Bɛtɛɛl, mi Chekɔpu dimul wanaa wa ndu o ba bɛŋgu wa le ma tɛɛmbuu nyɛm ndaa sooluu maa mɛlɛkaa nda woŋ kpou. Mi Chekɔpu bii nda nyɔɔŋ muŋ kpou o ba mbo tɛɛmbuu, hali kelaŋ wa nda o laba miŋ chiɛɛliaŋ a walta nyinaa wɔɔŋnda woŋ bɛɛ. (Chɛ 35:​1-4) A tonya, mi Chɛhowa naŋ kɔl tau le nyɛ Chekɔpu tosa hoo wo.

O teleŋ naa hoo niŋ bɛɛ, vɛɛ naŋ piɛi yɛ Chɛhowa ndupilɛ kpe? Ŋ tosa hei te ŋ fafaŋ pɛ nyɛ o nyɛ chiɛɛliaŋ a piɔmnda ɔɔ a walta nyinaa wɔɔŋnda okɔɔ. Sɔɔŋ muŋ ŋ tiŋ cho tɛɛmbuuwo nyɛ o nyɛ chiɛɛliaŋ a nyinaa wɔɔŋnda okɔɔ, nduyɛ miŋ hɛli yelelaŋnda naalaŋ nyɛkɛndɛi ni. Le taamaseliiyo, nyunaŋndɔ aa: ‘Baa yaula ya veelu diomndaŋ leniŋ ndaŋ, a vidueila ya tofalaŋ, la cho pa a wanaa sɔɔsiaa acheleŋnda koowaŋ nda okɔɔ, ɔɔ wana vi wo miiŋgoo yoomu o kueeleŋ niŋ? Baa mi viduei ya tofa wo chɔm maa maŋgalaa, waŋndo yɔŋullo, ɔɔ waŋndo sendioo handɔɔ choo cho suɛi wɔɔŋ te?’ Ŋ nɔ miŋ fafaŋ nyɛ o nyɛ Chɛhowa tul leyɛ.​—Sam 97:​10.

HANDU VIDUEIYO HOO “LA SIMUL MASA NYINAA WƆƆŊNDA,” OKOŊ MI LA MULI NYUNALAŊ NDAŊ:

• 

  Bahawɛi kuɛɛ komallɛ wana pɛɛkaa Baabui pilɛ diolaŋ aa Palɛsa?

• 

  Le yɛɛ o bɛnda yɛ ma kuɛ o bɛnduaa kundaa lo le malaa te sɔɔŋ chiɛɛliaŋ a walta nyinaa wɔɔŋnda woŋ komal num pɛ?

• 

  Nyɛm kuɛɛ naŋ nɔ yɛ miŋ faŋaŋ o ba te ŋ yeema pɛ mi Chɛhowa manda naa?

• Yɛɛ Palɛsa ndoo kɛɛsiaa yɛ le tosaa?

• Vɛɛ ŋ fafaŋ yɛ walta nyinaa wɔɔŋnda o foŋndaŋ ŋ cho wo?