Hiou Lachi a Bandu Mɛŋgɛlaa Vɛlɛ a “Tiondoo!” Soliŋndo Kpeku

Chɔŋ a wɔsii 2018, Bandu Mɛŋgɛlaa naŋ yɔŋgu wana o wana wo a “Tiondoo!” o kɛ kɛ suɛi lebolle ipilɛ kpe o suaa niŋ a ndi okɔɔ ni. O Kɔfu Nyɛm Waliŋ naŋ Pɛɛku Waŋnda Woŋ niŋ yaulaŋ ndaŋ bɛɛ la cho ni. Lelaŋ, miŋ soliŋ ndaŋ kpeku o wali pollo niŋ. Lepum te ŋ wa pɛ kɔlaŋ inɛ, ɔɔ miŋ wa kɔlaŋ nyɔɔŋ piinduuwo, miŋ kuɛ a yaulaŋ ndaŋ latiŋ o ba. Ŋ soliŋ yaulaŋ ndaŋ kpeku le waŋnda Baabuiyo pɛɛkoo le, kɛ mi yaulaŋ ndaŋ la tosa mi waŋndo nɔ yeemɛi le chɔɔloo sinaa a Mɛlɛka okɔɔ.

Te a kandu pɛ suukaŋndo a waŋndo, chɔm ndu bolle Baabuileŋ, nduyɛ ma soli suɛi lebolii pilaŋ ndu kɔllo ve o Bandu Mɛŋgɛlaa ɔɔ o “Tiondoo!” niŋ, ma chɔm ndu. Le taamaseliiyo, te a komal pɛ wana cho chuauwa mandaa ɔɔ mbo wa a kɔl tambɛiyo wo, a dimi aa: “O viu wɔ bɛɛ le, mi veelu diomndaŋ a suɛi hei okɔɔ. A yeema mi chɔm num ndi?” Te a saaluŋ pɛ maa wana koŋ nɔ yeemɛi, a ke ndu yau soo a suɛi keŋ okɔɔ wo ɔɔ a yɔŋ ndu yooŋgu mala ndu le mbo saaluŋ yau koŋ o nyɛ mapuulu ndɔɔ choo wo, o yɔŋ bɛɛ aa kɔla taselaŋ. Mi che bɛɛ o cho yaulaŋ yɔŋgoo le cho kpeleŋ naa kpeekpei le, kɛ mi yaulaŋ ndaŋ la mala naa le saalɔŋndo wanaa nɔ yeemɛi, le nyɛ nda cho pɛɛkoo wo dɔwɔɔ o wali niŋnda.—Walta 13:​48.

2018

2019

2020