Manda Nɔ Numndo

Chɛhowa che buŋgaŋ wanaa chal o nɔɔ niŋnda chua woŋ ŋ sɔvɛ. O dimi maa pɔnɔɔ a lanɔɔ nɔ ma piɔuwaŋ te. (Mat 19:​5, 6) O wanaa Chɛhowaa tɛɛŋ, taamaseliilaŋ la cho tau a wanaa chal o nɔɔ niŋ nduyɛ ma wa a kɔl kɛndɛ wa. Kɛ a koŋ kpou, nɔ o nɔ cho walaŋ te. Le hei, mi wanaa cho o nɔɔ niŋnda sɔla bahawɛilaŋ. Wanaa cho o chieeŋndo niŋnda yiyaŋ maa piɔuwaŋndo ɔɔ kɛyaŋndo tosa ni ma soli bahawɛila cho o nɔ ndaa niŋ ndaŋ. Kɛ naŋ nɔ miŋ nɔ yiyaŋ waa lende le. Vɛɛ Kilisiɔŋaa cho o nɔɔ niŋnda manda yɛ nɔla ndalaŋ?

Tofawɔ sɔɔŋ ŋuɛɛnu ŋ nda nɔ ma tosa woŋ.

1. Fafaŋ i tɛfɛlɛkɛlɛɛ ve a yelelaŋnda nɔɔlɛilaŋ, kanifuule mi sɔɔŋ muŋ paaliaŋ nɔ numndo.—Mat 5:​28; 2Pitɛ 2:​14.

2. Kindi chaŋyɛi numnde poŋ a Mɛlɛka, nduyɛ ma nɔ yeemɛi tau le ndu kɔllo nɛŋioo o nɔ numndo niŋ.—Sam 97:​10.

3. Hiou lachi a wana chieeyɛi sɛnɛiye wounɔŋndo, nduyɛ ma wa wana nya cho o nɔɔ niŋndo kɛndɛŋ pɔmpɔmbɔŋ tosallo le halikpeŋ mbo wa a kɔl kɛndɛ.—Kolo 3:​8-10, 12-14.

4. La wa suukaŋndo nyɛkɛndɛi o nɛi lebɛɛ niŋ.—Kolo 4:​6.

5. Wanaa cho o nɔɔ niŋnda nɔ ma tosa chiɛɛniŋndo o nɛi kaalaa niŋ.—1Kɔl 7:​3, 4; 10:​24.

Te Kilisiɔŋnda ke pɛ nɔɔ bɛɛleŋ, mɛɛ Chɛhowa, Wana Kila nɔɔ wo nda cho koŋ bɛɛleŋ kioo ni.

TOFA VIDUEIYO HOO “LA Ŋ SIMNUŊ KƆL NYƐ KƐNDƐ YI LE KƆLA CHO NAA LACHI LAŊ”—DIIKUŊ SAWALA CHO A NYAANƆŊNDO OKƆƆ LAŊ, OKOŊ MI LA MULI NYUNALAŊ NDAŊ:

• 

  Mi che bɛɛ mi wanaa chal o nɔɔ niŋnda kandu nɔ ndaa nyɛkɛndɛi, kɛ simulta yɛɛ nda sɔla yɛ lepum?

• 

  Vɛɛ sawala mandaala Baabuiyo mala yɛ wanaa yiyaŋ maa a kaaliaŋ lɛ o nɔ ndaa niŋ te wa?

• 

  Sawala yɛɛ Chɛhowa kɛsi yɛ a nɔɔ okɔɔ?

• Le mi wanaa cho o nɔɔ niŋnda sɔla batiuwaa, yɛɛ nda ŋiɔɔŋ kpou nɔ yɛ ma tosa?