Mɛŋma Koŋgi Bɛnduaŋ, Nɛɛ Yaa Yaŋ yɛ Nilaŋ? Nɛɛ Yaa Yeŋ yɛ Lani Le?

Mi wanaa bɔɔbɔɔ o boondii Nuuwa ve niŋ tosa yɔŋ wɔɔŋndo. Chɛnɛsee 6:5

Mi Adam nda Ifi sɔla chuauwa nduyɛ ma kui tau tau o lɛŋndeŋ choo. O boodii keŋ niŋ, mi maalikɛiya apum tual Setana kɔɔli le nilakalulaŋ tosaa.

Ma huŋ o lɛŋndeŋ choo ma chua dialuŋ ŋwana chieeyaŋ le halikpeŋ ma chua waŋlaanduaa o nɔlaŋ niŋ. Mi waŋlaanduaa haa vialu chuauwa yoomuaŋ pila ndaa nɔ ni.

Mi chieeŋndo pia niko cha a wanaa tosa sɔɔŋ wɔɔŋndoŋ nda. Mi Baabuiyo dimi aa, “Mi Mɛlɛka Yaawɛɛ o saaluŋ mɛɛ dɛnɛ wɔɔŋ waŋnda chieeya tiu kpou o chieeŋndo choo yɛ. Nduyɛ, mbo saaluŋ maa yiyaŋ dɛnɛ wɔɔŋndo koni huŋ wana chioo o kɔl teleŋ o teleŋ ni.”

Mi Nuuwa yaŋ Mɛlɛka nilaŋ nduyɛ mbo taŋgul dɛndɔɔ. Chɛnɛsee 6:​13, 14, 18, 19, 22

Wana kɛndɔɔ Nuuwa wa ni. Mi Chɛhowa dimul Nuuwa maa o cho hunɔɔ wanaa dɛnɛ wɔɔŋnda tɛɛmbuu a mɛŋma koŋgi bɛnduaŋ.

Mi Mɛlɛka dimul vɛlɛ Nuuwa le mbo taŋgul dɛndɛ bɛndoo le ndu, yungu ndɔɔ vɛlɛ a visiaa kɛ kɛ fee le ma luɛi leniŋ.

Mi Nuuwa sila waŋchieeya a Mɛŋma Koŋgima cho maŋ hunɔɔ waŋ okɔɔ, kɛ a chi ndi maa isɔɔ le. Apum wa Nuuwa mamɔɔ, mi acheleŋnda tul ndu leyɛ.

Mɛɛ dɛndɔɔ chuu taŋgul, mi Nuuwa luei visiaa leniŋ.