A Buŋgɛi 10 Okɔɔ

Chɛhowa cho Masaa le nyɛ o nyɛ fee ni. Chɔŋ o sindɔɔ niŋ huŋ bii a hau, ndu nɔ kpaayaa nyɛ o nyɛ choo ni. Le tamaseliiyo, mbo chiindiaa Chɛluimaya o sooŋ yiŋgilɛi ndaa wou ndu le ndu diyɔɔ wo niŋ. Mbo chiindiaa Siadulua, Mɛsiaki, a Abɛniko o yiŋnde tondoleŋ niŋ. Nduyɛ, mbo chiindiaa Daaniɛɛ o sooŋ kpɔkuŋnda niŋ. Mi Chɛhowa manda Ɛsita le halikpeŋ mbo chiindiaa kaale ndɔleŋ kpou. O cho chɛlɔɔ mi dɛnɛ wɔɔŋndo hiou lachi le lefafɛɛŋ te. Sɔɔŋ Baabuiyo dimi a piɔm ŋkoolii bɛndu bɛndoo, vɛlɛ a yɔm bɛndoo okɔɔ woŋ ke naa tiindaŋndo kɛsɛ maa, Masale Chɛhowa leŋ le cho suŋ hunɔɔ o lɛŋndeŋ choo, mi le faŋa dɛnɛ wɔɔŋndo.