CHONDII 75
“A Che Ya! Viom Ya!”
1. Waŋnda cho Chɛhowa mamɔɔ
A diola ndɔlaŋ tɛɛmbuu wo.
Apum dimi maa o wɔu bɔɔ.
Diɔmnda aa “Mɛlɛka cho le.”
Nɛɛ cho yɛ Chɛhowa lisa?
Le mi wana o wana tuei?
(CHƐLƆƆ 1)
‘Masaa, nua ya! Viom ya, viom ya!
Viom ya mi kɔ dimul nda kpou.
I naŋ kɔl le wallo hoo tosaa
A che ya! Viom ya, viom ya!’
2. Apum aa o nɔ tamalaa,
Le hei a nɔ siooŋii ndɔ le.
Apum cho piɔmnda sooluu wo,
Apum tiindaŋ masaa chieeŋnda.
Chɔu Mɛlɛka wo cho hunɔɔ.
O nɛɛnɛ cho yɛ nda dimul?
(CHƐLƆƆ 2)
‘Masaa, nua ya! Viom ya, viom ya!
Siooŋii cho ya le mi soo le.
I naŋ kɔl le wallo hoo tosaa
A che ya! Viom ya, viom ya!’
3. Waŋnda cho hau mɔnɛi biyɔɔ
Le dɛnɛ wɔɔŋ cho kuiyo wo.
Waŋnda haa cho tonya nuuviaa
Tonya ke nda kɔl nyuloo wo.
Nɛɛ cho yɛ lakɔ nda dɛɛniaa?
Nɛɛ cho yɛ nda pɛɛku tonyaa?
(CHƐLƆƆ 3)
‘Masaa, nua ya! Viom ya, viom ya!
I cho wanaa kɛndiaa pɛɛku.
I naŋ kɔl le wallo hoo tosaa
A che ya! Viom ya, viom ya!’
(Tofa vɛlɛ Sam 10:4; Isi. 9:4.)