CHONDII 145
Mɛlɛka Chua Buŋgɛi le Kpele Hɛnɛkiɔɔ
1. Mɛlɛka naa, dimi le toosiaa,
Chieeŋ sɛnɛiyo o Chiisu niŋ.
O cho chii feu nyɛ cho hakioo wo,
Piɔm ve lɛ le nyɛ palaa chuu.
(CHƐLƆƆ)
Chieeŋ sɛnɛiyo, o lɛŋndeŋ choo.
O cho hunɔɔ, ŋ cho ndu chɔ.
O cho o nɛi, Chiisu tiuba,
O naŋ bɔɔ kɔl, le hei tosaa.
2. Waŋvilɛiya, a cho wa yoomu,
Mɛlɛka naa ndu dimi ni.
I cho yɔŋnɔŋ mɛɛ Chiisu soo yɛ,
‘A cho wa a ya latulu.’
(CHƐLƆƆ)
Chieeŋ sɛnɛiyo, o lɛŋndeŋ choo.
O cho hunɔɔ, ŋ cho ndu chɔ.
O cho o nɛi, Chiisu tiuba,
O naŋ bɔɔ kɔl, le hei tosaa.
3. Masa naa kpou, ndu chua buŋgɛi ni,
Ndu cho niŋ hau, masa naa ni.
Mɛlɛka naa, balika tau tau,
A kɔl naa kpou, ŋ biilu num.
(CHƐLƆƆ)
Chieeŋ sɛnɛiyo, o lɛŋndeŋ choo.
O cho hunɔɔ, ŋ cho ndu chɔ.
O cho o nɛi, Chiisu tiuba,
O naŋ bɔɔ kɔl, le hei tosaa.
(Tofa vɛlɛ Maa. 5:5; 6:10; Chɔŋ 5:28, 29.)