BUŊGƐI WALII 15

Soo a Laalaŋndo

Tɛsaloniaŋ Tasoo 1:5

SƆƆŊ KULLOŊ: Chɔm maa a laalaŋ tonyaa, nduyɛ ma chɔm maa nyɛ ŋ cho dimioo wo cho o sɔvɛ.

Toosiaŋ nyɛkɛndɛi. Toosiaa suɛi numnde haa ma sina sɔɔŋ lebolluŋ kpeekpeiyoŋ leniŋ, okoŋ, ma sina mɛɛ bolii Baabuiye toolu muŋ yɛ. Kindiŋ le ma soo a sɔɔŋ kulloŋ okɔɔ o nɛi tɛtɛlɔɔ niŋ. Handu kɔllo mɛɛ yooŋgu koŋ mala niŋ wanaa cho num nilaŋ yaŋɔɔ wa yɛ. Piɛi le nyina Mɛlɛkaa.

Pɛɛku suɛi numnde choo choo le ma sina ndi nyɛkɛndɛi, okoŋ ma yɔŋgu ndi walaŋ.
Soo diomnda chɔm maa a laalaŋ ndaŋ. Tuupa ma miŋgi sondoo o nyɛ cho o yauwo choo wo, soliŋ diomnda numpila laŋ kpeku. Hɛli diomnda chɔm maa a laalaŋ a nyɛ ŋ cho dimioo wo laŋ.
Soo a kɔllo kpou. Heelu diomndo te a wa pɛ suɛi. Nua wanaa cho num nilaŋ yaŋɔɔ wa hɔlla, te naamu nyaa chɛl pɛ.

Puɛɛnuŋ te, teŋgeŋndo cho suɛi a laalaŋndo tɛɛŋ a suɛi a yoŋgaa, suɛi waŋnda baŋɔɔ, a waŋnda hovi hovioo a suɛi. O yɔŋ bɛɛ maa a kɔllo kpou ŋ cho suɛi ni, mɛɛ ma soo o waŋnda lo o nɛi kaalaa niŋ.