BALTAŊ KANDƆƆ
SUƐI LEBOLII 6
Kɔl Simulaa
Sawa Mandaa: “Mi Mɛlɛka ke naa kɔl simulaa, le mi ŋ dimul nya Yooŋgu Kɛndɛ Mɛlɛkaa.”—1 Tɛsa. 2:2.
Nyɛ Chiisu Tosa Wo
1. Tofa VIDUEIYO, ɔɔ nua Luku 19:1-7. Okoŋ ma muli nyunalaŋ ndaŋ:
Le yɛɛ waŋnda apum ndaa wo yɛ Sakiɔɔ?
Yɛɛ nyindu yɛ Chiisu le Sakiɔɔ yooŋgu kɛndɔɔ dimullo?
Yɛɛ Naŋ Pɛɛku yɛ Chiisu o Ba?
2. Mɛɛ miŋ simul kɔl le waŋnda kpou yooŋgu kɛndɔɔ dimullo.
Tol Tamasi Chiisu Wo Kɔɔli
3. Tiindaŋ Chɛhowa. Mi Nyina Mɛlɛkaa ke Chiisu yoomuaŋ le yooŋgu kɛndɔɔ dimioo. Num bɛɛ nyina Mɛlɛkaa tiuba mbo mala num. (Maa. 10:19, 20; Luku 4:18) Nyuna Chɛhowa le mbo ke num kɔl simulaa le ma dimul wanaa ŋ nɔ siooŋii ndɛi ya yooŋgu kɛndɔɔ.—Walta. 4:29.
4. Kilul waŋnda yamɛi le. Lepum, te ŋ che pɛ mɛɛ waŋndo cho yɛ, mɛɛ o nɔ tɔɔ yɛ, mɛɛ o nɔ nyɛsɔlaa yɛ, mɛɛ yoomu ndɔɔ cho yɛ, a piɛile o cho niŋ ndeŋ, mi siooŋnde bii naa le ndu yooŋgu kɛndɔɔ dimullo. Kɛ loonuŋ maa:
Chɛhowa nda Chiisu tiuba ma sina nyɛ cho waŋndo o kɔllo, kɛ naa ŋ tiuba miŋ sina le.
Chɛhowa tiuba mbo tuinuŋ wana o wana inyɛɛ.
5. Nɔ kɔl simulaa, kɛ chaa suɛi nduyɛ ma wa yekeŋ. (Maa. 10:16) Hiŋaŋ ladiom nya wana le. Kiolu baltaŋ o nɛi lebɛɛ niŋ te waŋndo yeema lani yaŋɔɔ o yooŋgu kɛndɔɔ le. Nduyɛ te a che pɛ maa yoomu numndo hiŋ luɛiyɔɔ o kpundɔɔ niŋ, faŋaŋ ma kuɛŋnuŋ.—Pulɔ. 17:14.