Baa o Bɛnda Pa Ma Kelu Baltaŋ?

Te waŋndo nyuna naa pɛ le miŋ tɛɛsial ndu a suɛi ipum okɔɔ, miŋ wa a kɔl kɛndɛ tau le hiouwɔɔ lachi a baltaŋ dɔwɔɔ. Ŋ yeema bɔɔ le baltaŋ dɔwɔɔ a wanaa “nɔ yeemɛi le chɛlɔɔ tonya yɔŋgu yoomu fafɛɛŋndo wo wa.”—Walta. 13:48.

Kɛ te o wa yɛ mi waŋndo dɔɔnuŋ tumbe, mbo yeema sɛɛŋgiaŋndo a naa, ɔɔ mbo yeema miŋ soo o ndu lo le? Soo dɛɛ, okoŋ ma kelu baltaŋ o nɛi chaa niŋ. (Pulɔ. 17:14) Wa yekeŋ a mɛɛ ŋ cho isɔɔ yɛ, nduyɛ ma chɔm bɛɛleŋ le halikpeŋ mi waŋndo nɔ yeema le baltaŋ dɔwɔɔ a naa o chilaŋ niŋ.—1 Pitɛ 2:12.