Wanaa Ŋ Ke “Bandu Mɛŋgɛlaa” a “Tiondoo!” lɔɔ lɔɔ Wa, Kandu Baabuiyo Pɛɛkoo a Nda
1. Le yɛɛ kɔɔna Chɛhowaa cho yɛ wanaa kua yooŋgu kɛndɔɔ dimioo wa dɛɛniaa le ma nɔ wanaa nda yoo yaula “Bandu Mɛŋgɛlaa” a “Tiondoo!” lɔɔ lɔɔ wa?
1 Wanaa bɔɔ bɔɔ chɛl le Baabuiyo pɛɛkoo a naa le, kɛ a yeema nuaa o yaula naalaŋ niŋ. Lelaŋ, o cho niŋ lɔɔ levil, kɔɔna Chɛhowaa cho wanaa kua yooŋgu kɛndɔɔ dimioo wa dɛɛniaa le ma nɔ wanaa nda yoo yaula “Bandu Mɛŋgɛlaa” a “Tiondoo!” lɔɔ lɔɔ wa. Mɛɛ waŋnda nua o yaula naalaŋ niŋ fau, lende koni yeemɛi bii nda ni le Diom Mɛlɛkaa sinaa. (Pitɛ Tasoo 2:2) Te o yɔŋ pɛ ma lambaŋ hei tosaa, naapum nyɛ cho nda kɔllo pilaŋ, okoŋ ma chɛl le Baabuiyo pɛɛkoo.
2. Wanaa naa ŋ yoo yaulaŋ lɔɔ lɔɔ wa, vɛɛ naa ŋ chɔɔlu yɛ yeemɛi ndɛi?
2 Pɔɔla Kulii Tonyaa ndu o Kɔl. Te o yɔŋ pɛ ma yoo waŋndo yaulaŋ, suukaŋ a ndu. Kindiŋ ma sina te waŋndo nɔ pɛ yeemɛi, nduyɛ, ma sina vɛlɛ nyɛ cho ndu o kɔllo. Hei mala num ma sina nyɛ o laalaŋndo. Te a sina pɛ nyɔŋ muŋ, ŋ mala num ma soo o ndu lo a taasi. (Tal. 16:23, NW) Tuupa ma yoo waŋndo yaulaŋ, numpila sina wɔ fɛɛŋ nyɛ cho leniŋndo. Te i bɛnda pɛ, tɛɛsial ndu isɔɔ o yaula kalalaŋ niŋ okoŋ, ma nuel ndu bolle Baabuileŋ lepilɛ le kulii ŋ tɔl ndu o kɔlle pɔɔlaa. (Kɔl. Tasoo. 3:6) Lɔɔ lɔɔ a kuɛ ndu pɛ yilɔɔ, poonyiaa teleŋ koŋ o yau choo. Nduyɛ, ma poonyiaa yau suu ŋ mel ndu wo, buŋgaŋ nya nua woŋ, vɛlɛ a bolii Baabui nya suukaŋ choo ve.
3. Vɛɛ kpɛ ŋ nɔ yɛ ma miiŋgu o nda lo?
3 Vɛɛ kpɛ naa ŋ nɔ yɛ mi ŋ Miiŋgu o nda Lo? Wanaa ŋ ke yaulaŋ lɔɔ lɔɔ wa, yoo nda la sɛnɛila fulalaŋ lepilɛ o pangei niŋ. O wa bɛɛ lende ni, te o yɔŋ pɛ ma nɔ ba, nduyɛ, mbo chɔm yeemɛi, a kua ndu yilɔɔ chuɛi chuɛi. Le tamaseliiyo, te a yoo ndu pɛ yaulaŋ, mi lɔɔ hiou o pilɛ te koŋ te la tiɔɔŋ, a kua o ndulo ma dimi aa, “I hiŋ le num nyɛ chɔm chokobi o yaula ya mel num ndaŋ niŋ.” Hei tosa mi waŋndo chɔɔlu yeemɛi nɔ tau le nuaa o yaula ŋ mel ndu laŋ niŋ. Te o yɔŋ pɛ aa o nua niŋ buŋgɛi o yau koŋ niŋ, nyuna ndu le nyɛ o pɛɛku o buŋgɛi keŋ niŋndo okoŋ mi la suukaŋ lechoo. Te waŋndo hɛnaŋ pɛ nuaa o yaula naalaŋ niŋ, yoo ndu yaula pɔmbɔlaŋ, a la cheleŋnda naa ŋ cho waŋnda yɔŋgoo o paŋgii keŋ niŋ nde.
4. Yɛɛ ŋ nɔ yɛ ma wa tosaa lɔɔ lɔɔ le sinaa te a yeema pɛ pɛɛkoo?
4 Chum mi wana ŋ yoo yaulaŋndo dimul num le ndu pɛɛkoo le. Num hiou lachi ma dimul ndu le ndu pɛɛkoo. Te o yɔŋ pɛ aa o kɛɛ niŋ paandu kpoŋ le Baabuiyo pɛɛkoo, chɔm ndu lɔɔ lɔɔ naa “Bandu Mɛŋgɛlaa” dimi aa, “Nyunala Baabuiyo Muli Laŋ” ma che te o chɛl niŋ pɛ mila suukaŋ lechoo. Naapum, a kandu pɛɛkoo o foofo. Te o chɛl le pɛɛkoo kposoŋ te, wa ndu yaula “Bandu Mɛŋgɛlaa” a “Tiondoo!” chuu wo le yeemɛi nduɛi chɔɔloo.