Nɛi Kɛndɛ Yaula Pɔmbɔla Sɛnɛilaŋ la Toosiaŋndo
1. Ɔɔ nyɛm waliŋ sɛnɛi naŋ sɔla le wali pollo wo?
1 Bɔŋaŋ bɛndu naŋ bii wɔsi 2013 ve wo “Diom Mɛlɛkaa cho Tonyaa Ni!”, miŋ sɔla yaula pɔmbɔla sɛnɛilaŋ la ŋuɛɛnu. Le handɔɔ lechoo, o naŋ piɔu chieeŋndo balɔɔ silɔ wo diolaŋ aa, “Baa Waŋvilɛiya Miiŋgu Niŋ Pa Yoomu?” (Kingdom News No. 38), ndu bɛɛ handuŋ o yaulaŋ ndaŋ choo. Yaula ŋɔmpum ndaŋ kpou la toosiaŋ o nɛi cheleŋ niŋ. Le sabula yɛɛ yaulaŋ ndaŋ la toosiaŋ yɛ o nɛi sɛnɛiyo hoo niŋ? Te ŋ wa laŋ yɔŋgoo o wali pollo niŋ pɛ, vɛɛ naŋ soliŋ yɛ nyɛm sɛnɛi cho lechoo woŋ kpeku nyɛkɛndɛi?
2. Le sabu yɛɛ nda toosiaa yɛ yaulaŋ ndaŋ naa?
2 Le yɛɛ Nda Toosiaa yɛ Laŋ Naa? Le yooŋgu kɛndɔɔ dimioo nyɛkɛndɛi, mɛɛ miŋ tol nɛila hiɔɔlulaŋ ndaŋ kɔɔli. (1) Nyuna waŋndo le sinaa nyɛ cho yiyaŋ ndɔɔ wo. (2) Chɔm ndu nyɛ Baabuiyo dimi wo. (3) Ke wana ŋ cho suɛi o ndu lo wo yaula naa laŋ le mbo wa diomndaŋ veeloo leniŋ. (4) Tuupa ma kuɛŋnuŋ, mel ndu nyunaa okoŋ, ma tosa kɛɛsiaa le nyuna koŋ mulioo te a hiŋ pɛ miiŋgu makɔɔ o ndu lo lɔɔ cheleŋ. Mɛɛ yaula pɔmbɔla sɛnɛilaŋ ndaŋ la toosiaŋ yɛ mala naa miŋ tol nɛila hiɔɔlulaŋ ndaŋ kɔɔli.
3. Vɛɛ naŋ nɔ yɛ miŋ yɔŋgu yaula pɔmbɔla sɛnɛilaŋ ndaŋ o pilɛ o wali pollo niŋ?
3 Vɛɛ Naŋ Soliŋ yɛ Laŋ Kpeku? (1) Te a yil pɛ wana chiɛiyo, chɔm ndu nyunala yɛ yɛla cho o peele taseleŋ o yau pɔmbɔɔ hoo choo wo okoŋ, a nyuna ndu yɛɛ cho yɛ yiyaŋ numndo? (2) Kumbi yau pɔmbɔɔ hoo naa o dimi aa, “Yɛɛ Baabuiyo Ndu Dimi Yɛ?” mi la yaasiaa latulu. Te fonda sɔlaŋ pɛ, a veelu diomndaŋ o Baabuiyo niŋ. Te wana chiɛiyo nɔ teleŋ pɛ, a tɛɛsial ndu naa o dimi aa, “Vɛɛ Hei Mala Yɛ Num?” (3) Ke ndu yau pɔmbɔɔ hoo okoŋ, ma soo o ndu lo nyɛkɛndɛi le mbo wa diomndaŋ veeloo leniŋ a teleŋ ndu pila yeema wo. (4) Tuupa ma kuɛŋnuŋ, chɔm ndu nyuna cho o peele mɛɛlaaleŋ o yauwo hoo choo wo o suɛi lebolle bɛŋgu “Yiyaŋ Ndɔ A Nyunaa Hoo” okoŋ, tosa kɛɛsiaa le ma huŋ muli nyunaa hoo lɔɔ cheleŋ o Baabuiyo niŋ.
4. Vɛɛ naŋ soliŋ yɛ yaula pɔmbɔla sɛnɛilaŋ ndaŋ kpeku o miiŋgu makɔɔ?
4 Miiŋgu makɔɔ bɛɛ cho wa tɛtɛlɛ. Te a miiŋgu pɛ o wana chiɛiyo lo, soliŋ bolii Baabui cho o peele mɛɛlaaleŋ o yauwo hoo niŋndo kpeku ma muli nyuna ŋ mel ndu wo. Tuupa ma kuɛŋnuŋ, chɔm ndu fotuei yauwo hoo Yooŋgu Kɛndɛ Chɛŋ O Mɛlɛka Lo Wo. Soli yauwo pila ma chɔm ndu. Chɔm ndu sɔɔŋ lebolloŋ ŋ chɔɔlu suɛi nya cho suukaŋndo choo ve tɛɛsiaa wo okoŋ, a ke ndu yauwo. Te o bii yauwo pɛ, tosa kɛɛsiaa le ma hiŋ o ndu lo lɔɔ cheleŋ mi la kandu suukaŋndo o yau kalaa niŋ. Pɛɛku Baabuiyo ŋ kandu koŋ ni! Te a ke ndu dɔɔ yauwo hoo le, a ke ndu yaula pɔmbɔla sɛnɛilaŋ ndaŋ suu cheleŋ o pilɛ okoŋ, a kɛɛsiaa le ma miiŋgu o ndu lo lɔɔ cheleŋ mi la suukaŋ.
5. Tɔnɔ yɛɛ yaula pɔmbɔlaŋ la nɔ yɛ o wali pollo niŋ?
5 Ŋ soliŋ niŋ yaula pɔmbɔlaŋ kpeku o wali pollo niŋ o hiou wɔsilaŋ 130. Mi che bɛɛ naa la cho a hiyaŋndaŋ nduyɛ, la toosiaŋ o nɛila teŋgeŋ niŋ, kɛ la cho nyɛm wali kɛndɛ le yooŋgu kɛndɔɔ dimioo. Maa ŋ soliŋ la sɛnɛila fula laŋ ndaŋ kpeku nyɛkɛndɛi. Nduyɛ, ŋ hioŋ lachi a kɔlkalu Baabuiyo pɛŋgɛlaa o chieeŋndo choo kpede.—Tale. 15:7a, NW.