Vɛɛ Ya cho yɛ Chɛhowa o Hɔl?
1. Vɛɛ Baabuiyo cho yɛ maa tofaŋ?
1 Vɛɛ kpɛ ŋ nuaŋ yɛ o tofaŋndo niŋ? Naapum nda, miŋ nuaŋnuŋ lepaa o lepaa le sinaa te ŋ toosiaŋ pɛ nyɛkɛndɛi. Baabuiyo cho maa tofaŋ. Te ŋ wa pɛ Baabuiyo pɛɛkoo lɔɔlɔɔ, koŋ mala naa miŋ sina wanaa suu naŋ cho o kɔllo niŋnda. Nduyɛ, kɔllo Chɛhowa cho nuaa ni. (Sam. Tasoo 16:7, NW; Chem. 1:22-24) Diom Mɛlɛkaa “nɔla mbo chɔm yɛ yɔɔ yiyaŋndaŋ a yeemaŋ wana chioo o kɔl, ŋ wɔɔŋ ni, ŋ kɛndɛ ni.” (Hibu. 4:12) Te ŋ wa pɛ nuaa o Baabuiyo niŋ, nduyɛ, miŋ wa yiyaŋndo o nyɛ naŋ nuawo choo, koŋ mala naa miŋ simnuŋ wanaa dimiaa yooŋgu kɛndiaa nyɛkɛndɛi. Vɛɛ hei mala yɛ naa miŋ sina siŋgaŋnda naŋ nɔ le tosaa laŋ?—Chon. 1:1-3, NW.
2. Vɛɛ Baabuiyo mala yɛ naa le sinaa wanaa suu naŋ cho wa?
2 Soliŋ Baabuiyo Kpeku Maa Tofaŋ, Kona Baabuiyo dɔunuŋ a buɛiyaa laalaŋaa Chɛhowaa okɔɔ wo pɛɛku naa suiliŋnda nɛŋi ndu kɔl taŋ. Le tamaseliiyo, mi Deeve chɔm dialuŋ fulaŋ le diola Chɛhowalaŋ saŋgalaa. (Sam. Tasoo 17:45, 46, NW) Aisaiya ndoo nɔ kɔl sikpaa. Le hei, mbo yɔŋguŋ ndupila le kɔlaŋ yooŋgu kɛndɔɔ dimioo o tanda ndoo nɔ kpɔkɔsilaŋndo niŋ. (Ais. 6:8, 9, NW) Chiisu ndoo nɔ bɔɔ kaalaa le Finya ndɔ. Le hei, mbo chua wali dimiaa yooŋgu kɛndɔɔ maa nyɛ chuu ndu nyaaloo wo o cho ni. O chue ndu maa wolɔɔla lusulɛi le. (Chɔŋ 4:34) Mi Kilisiɔŋnda o sindɔɔ niŋ bɛɛ dimi yooŋgu kɛndɔɔ a dialuŋ fulaa. Ndaa nɔ tiindaŋndo o Chɛhowa niŋ nduyɛ, a mel wali Chɛhowaa le. (Walta Wa. 5:41, 42; Kɔl. Diiŋ Ndɔɔ 4:1; Tim. Diiŋ Ndɔɔ 4:17) Yiyaŋndo o tamaseliilaŋ ndaŋ choo mala naa miŋ nuuviaa nɛilaŋ le wali Mɛlɛka ke naa hoo wo tosaa o kɛndɛ.
3. Le yɛɛ ŋ nɔ miŋ tosa tamala le siŋgaŋndaŋ tosaa o yoomu naa niŋ te?
3 Siŋga Siɔvii ŋ Che Ve, Te ŋ nuaŋ pɛ o tofaŋndo niŋ miŋ kɛɛ le siɔvii naŋ che ve siŋgaa, o ve suɛi tɔnɔ kposoŋ te. Ŋ piɛi o Chɛhowa lo le mbo mala naa miŋ sina wanaa suu naŋ cho wa nduyɛ, mbo mala naa miŋ tosa siŋgaŋndaŋ. (Chon. 139:23, 24, NW; Luk. 11:13) Teleŋ lo wo cho lɛ o bɔɔ le. Yoomula waŋchieeya la cho o kpundɔɔ niŋ. Lelaŋ, ŋ nɔ miŋ tosa tamala le siŋgaŋndaŋ tosaa o yoomu naa niŋ te.—Kɔl. Tasoo 7:29; Tim. Tasoo 4:16.
4. Te waŋndo tol pɛ nyɛ o pɛɛku o Baabuiyo niŋndo kɔɔli, tɔnɔ yɛɛ o sɔla yɛ?
4 Nyɛ cho waŋndo pila o kɔllo Chɛhowa cho tofaa ni, o cho naŋɔɔ ŋdial te. (Pitɛ Tasoo 3:3, 4) Te waŋndo tol pɛ nyɛ o pɛɛku o Baabuiyo niŋndo kɔɔli, tɔnɔ yɛɛ o sɔla yɛ? O simnuŋ wana tosa nyɛ o tuei kɛ o puɛɛŋ te wo, nduyɛ, salaa Mɛlɛka duau ndu ni le ndu tosaa. (Chem. 1:25) Te ŋ tosa hei pɛ, ŋ wa a nyaale nduyɛ, miŋ simnuŋ wanaa dimiaa yooŋgu kɛndiaa nyɛkɛndɛi, kanifuule, hɔlaa naa nda chɔm naŋɔɔ Mɛlɛkaa ni.—Kɔl. Diiŋ Ndɔɔ 3:18.