Nyɛ Ŋ nɔ le Tosaa Wo

Kuɛɛ Naŋ Saaluŋ yɛ Mulilaŋ le Nyunala Sɔvɛlaŋ o Yoomoo Niŋ?

Yil wana ŋ komal o chiɛiyo wo ma ke ndu yau pɔmbɔɔ hoo le mbo che suɛi lebolle. Dimi aa, “Yooŋgu kɛndɔɔ hoo naŋ cho waŋnda dimullo ni chieeŋndo balɔɔ silɔ. O numndo cho hoo ni.

Te wana chiɛiyo ve o bɛɛ le, okoŋ, ma yeema le yauwo hoo mɛiyo loŋ, kɛsi naa o nɔla mbo che ndu wa nduyɛ, tosa mbo simbuluŋ te.

Te wana chiɛiyo chɔm pɛ yeemɛi nduyɛ mbo yeema le mila suukaŋ, chɔm ndu nyunalaŋ ndaŋ lachi ma nyuna ndu le yiyaŋ ndɔɔ. Kumbi yau pɔmbɔɔ hoo ma chɔm ndu nyɛ Chondei 119:144, 160 dimi wo. Tɛɛsial ndu maa yau pɔmbɔɔ hoo soo a tɛɛŋgii pum okɔɔ, i mala ndu le mbo saaluŋ mulila o hini kɔl taŋ o Baabuiyo niŋ. Naapum, a chɔm ndu vidueiyo hoo Le yɛɛ Naŋ Pɛɛku yɛ Baabuiyo? te a nɔ ndu pɛ. Tuupa ma kuɛŋnuŋ, chɔm ndu nyunala yaala cho o yau pɔmbɔɔ hoo amakɔɔlaŋ ma nyuna ndu o kuɛɛ o hiou yɛ hɛnaŋ. Dimul ndu maa a cho vɛlɛ miiŋgu naa ndu cha le ndu chɔmndo mɛɛ o saaluŋ muli Baabuiyo le nyuna koŋ o jw.org niŋ yɛ. Te a miiŋgu pɛ, tofa le mulilaŋ o suɛi lebolle hei bɛŋgu BIBLE TEACHINGS > BIBLE QUESTIONS ANSWERED.

Te o yɔŋ pɛ aa boondii keŋ nya cho waŋnda yaula veelaalaŋ kioo le bɔŋaŋ palɛi yaawo ni, ke wana ŋ cho suɛi o ndu lo wo yau veelaa koŋ a yau pɔmbɔ sɛnɛiyo hoo. Te a ke ndu pɛ, a dimi aa, “Le handɔɔ lechoo, ŋ cho num yau veelaa hoo kioo le bɔŋaŋ naŋ cho hunɔɔ biyɔɔ wo. A cho wolii paawa le.”

The Watchtower Naandɔɔ 1

Te o bɛnda pɛ o lɔɔlaŋ mɛɛlulaŋ, a ke waŋnda “Bandu Mɛŋgɛlaa.” Te a wa yɔŋgoo pɛ, a dimi aa, “Ŋ yeema vɛlɛ miŋ ke num yaula naala sɛnɛila fula suŋ suŋ ndaŋ. Yauwo hoo muli nyunaa hoo. Baa Mɛlɛka nɔ pa yeemɛi o num niŋ?”

Awake! Naandɔɔ

Te o bɛnda pɛ o lɔɔlaŋ mɛɛlulaŋ, a ke waŋnda “Tiondoo!” Te a wa yɔŋgoo pɛ, a dimi aa, “Ŋ yeema vɛlɛ miŋ ke num yaula naala sɛnɛila fula suŋ suŋ ndaŋ. Yauwo hoo muli nyunaa hoo. Vɛɛ waŋnda tosa yɛ diompilɔɔ?”