Nyɛ Ŋ Nɔ le Tosaa Wo

Le Waŋnda Yaula Veelaalaŋ Kioo Ma Hiŋ o Loonuŋyaa

“Ŋ cho waŋnda veeloo ma hiŋ le loonɔŋndo a piɔm Chiisu wo okɔɔ. A Nyaakuɛiyo 3, waŋnda o miiliɔŋndaŋ niŋ chieeŋndo balɔɔ silɔ cho chuuŋgiaŋ le loonɔŋndo a piɔm Chiisu wo okɔɔ. Nduyɛ, a cho vɛlɛ tueiyɔɔ tɛɛsiaa o Baabuiyo niŋ le ma sina mɛɛ piɔm Chiisu wo chuu naa tɔnɔɔ yɛ. Yauwo hoo chɔm teleŋndo a fondaŋ naŋ cho bɔŋaŋndo hoo biyɔɔ o tanda naa niŋndo.”

Yau Bandu Mɛŋgɛlaa Fuoo 1

“Boondii Chiisu sɔla piɔmndo le naa ve cho naŋndee biyɔɔ a Nyaakuɛiyo 3. Waŋnda apum o tanda naa niŋ cho chuuŋgiaŋ le loonɔŋndo a piɔm ndɔɔ okɔɔ kɛ apum yiyaŋ maa piɔm Chiisoo cho nyɛ tɔnɔ kposoŋ te. Vɛɛ num yiyaŋ nyɛ? A laalaŋ pa maa piɔm Chiisoo vɛlɛ a fulasɛiniŋ ndɔɔ cho tɔnɔɔ le naa? [Chum mbo muli.] Tofawɔ nyɛ Diom Mɛlɛkaa dimi a hei okɔɔ wo. [Nuawɔ Kɔliŋtiaŋ Tasoo 15:22, 26.] Yauwo hoo tɛɛsiaa mɛɛ sala soliaŋ Chiisoo chuu niŋ naa tɔnɔɔ o chilaŋ niŋ yɛ—ndu cho ni maa, wana o wana vi lɛ niŋ o chieeŋndo choo le.”

Awake! Fuoo

“Ŋ hiŋ o nyalo chokobi le nya chɔmndo yau laŋga fula hoo wo. [Chɔm yauwo kɔɔ.] Wana o wana nɔ yiyaŋ ndɔɔ yɛ a nyuna tasoo hoo okɔɔ. Ndu cho ni, Baa Mɛlɛka cho Pa? O yiyaŋ numndo niŋ, nɛɛ yaa nɔ yɛ o kɔl le chila kɛndɛlaŋ—baa wanaa laalaŋ o Mɛlɛka niŋnda ɔɔ wanaa laalaŋ o ndu niŋ te wa? [Chum mbo muli.] Tofawɔ nyɛ Mɛlɛka dimi o Baabuiyo niŋ mbo ke wanaa bɔɔbɔɔ tiindaŋndo wo. [Nuawɔ Chondei 37:10, 11, NW.] Yauwo hoo tɛɛsiaa sabulaŋ la hiɔɔlu le naa malaa miŋ sina te Mɛlɛka cho pɛ.”