Chɔm mɛɛ Diom Mɛlɛkaa Nɔ Kpaayaa o Wali Pollo Niŋ Yɛ

Te waŋndo chɛl naa pɛ le miŋ dimul ndu yooŋgu kɛndɔɔ, ŋ soliŋ teleŋ koŋ kpeku miŋ chɔm mɛɛ Diom Mɛlɛkaa nɔ kpaayaa yɛ. Ndu cho ni, kumbul ndu Baabuiyo ma veelu diomndaŋ leniŋ. Suɛi hei wa i kindilaa o bɔŋaŋ naa paale pilɔɔ lapɔm. Mi buɛi ibuŋgaa yɔŋgu suɛi o bɔŋaŋ koŋ suɛi lebolle aa, “Chɔm mɛɛ Diom Mɛlɛkaa Nɔ Kpaayaa o Wali Pollo Niŋ Yɛ.” A loonuŋ pa sɔɔŋ kulloŋ?

• Le yɛɛ Diom Mɛlɛkaa nɔ yɛ kpaayaa mbo hiau diom naa?—Tim. Diiŋ Ndɔɔ 3:16, 17.

• Vɛɛ Baabuiyo kpeeŋiaa yɛ yeemaŋ waŋndo, siŋga yɛ yiyaŋ ndɔɔ, chɔm yɛ nyɛ cho ndu o kɔllo, nduyɛ mbo nyindu ndu le kaa kɛndɔɔ tosaa?—Tofa Bandu Mɛŋgɛlaa, Kooŋndo 15, 2012, p. 27, pɛl 7, o puuluei niŋ.

• Te ŋ nuel pɛ waŋndo bolle Baabuileŋ o wali pollo niŋ, vɛɛ naŋ muli yɛ yiyaŋ ndɔɔ o Diom Mɛlɛkaa mbo chɔm bɛɛleŋ le ndu?—Tofa yau “Sukuu Manda iMɛlɛkayaa”, p. 148, pɛl 3-4 vɛlɛ a Yau Wali Naa leMasaa Fuoo 2013, p. 6, pɛl 8, o puuluei niŋ.

• Le yɛɛ o bɛnda yɛ miŋ tɛɛsiaa bolii Baabui naŋ veelu diomndaŋ nde nyɛkɛndɛi, nduyɛ vɛɛ naŋ tosa yɛ hei?—Walta Wanaa Chiisuaa 17:2, 3; tofa yau “Sukuu Manda iMɛlɛkayaa”, p. 154, pɛl 4 tei p. 156, pɛl 5 (p. 154, pɛl 4 tei p. 156, pɛl 4)