Nyɛ Ŋ Nɔ le Tosaa Wo

Yau Bandu Mɛŋgɛlaa Naanɔɔ 1

“Ŋ hiŋ o nyalo chokobi le miŋ suukaŋ a bahawɛi pum okɔɔ. Bahawɛi kala kala komal naa mi nyɔɔ pala naa tau wo cho ni, te wana naŋ kaala wo vi pɛ. O cho lende le icho le? [Chum mbo muli.] Tofawɔ diomnde kɔl dɛɛniaa Baabuiyo dimi a hei okɔɔ ve. [Nuawɔ Sɔɔŋ Chɔɔmaŋndoŋ 21:3, 4.] Baabuiyo ke naa tiindaŋndo maa o wa niŋ o lepaa niŋ, wanaa naa kaalaa vi wa cho vɛlɛ miiŋgu yoomu. Yauwo hoo chɔm mɛɛ hei yɔŋnuŋ niŋ yɛ.”

Awake! Naanɔɔ

“Ŋ cho chaaŋaa naa buŋgɛi pum chɔmndo o yauwo hoo niŋ. Buŋgɛi hei tɛɛsiaa tau a nyɛm taaniŋ cho o dialuŋ naŋ niŋ miŋ wa yoomu wo. [Chɔm ndu “Tiondoo!” kɔɔ.] Wanaa bɔɔbɔɔ laalaŋ maa yoomoo a bandɔ o hiŋ ni kɛ apum laalaŋ maa Mɛlɛka toosiaa yoomoo ni. Vɛɛ num yiyaŋ yɛ? [Chum mbo muli.] Wanaa sinaa yau bɛnduaa pum saaluŋ mɛɛ nyɛm taaniŋ cho o dialuŋ naŋ niŋ miŋ wa yoomu wo cho nyɛm kɔndɔfili yɛ. Nyɔɔŋ muŋ tosa mi kɔndɔfillo bii nda maa te o cho waŋndo le toosiaa yoomoo le. A muŋ okɔɔ yauwo hoo cho suɛi ni.”