“Diomndaŋ Ndaŋ . . . La Wa Nya o Lakɔl”

Kalaŋ chuauwa cho ko maa wanaa mandaa lasaa. A nɔ ma chaa chuauwaa ndaa manda nyɛkɛndɛi, kanifuule, o cho tɛtɛlɛ le mi chuaambuaa bendu nɛiyo nduyɛ, haupa mi waŋndo tiu nda ba. (Pulɔ. 27:​23) Vɛɛ kalaŋ chuauwa tiu yɛ ba ma tosa hei? A nɔ ma chua teleŋndo lepaa o lepaa ma wa suukaŋndo a chuauwaa ndaa le sinaa nyɛ cho yiyaŋ ndaa wo vɛlɛ a nyɛ cho nda o kɔltaŋ niŋndo. (Pulɔ. 20:​5) Nduyɛ, kalaŋ chuauwa nɔ ma pɛɛku chuauwaa ndaa kaala mala nda mi laalaŋ ndaa o Chɛhowa niŋ wa o kala poŋ o yoomu ndaa niŋndo. (1 Kɔliŋ. 3:​10-15) Vidueiyo hoo “Diomndaŋ Ndaŋ . . . La Wa Nya o Lakɔl” chɔm le sabu o bɛnda le pɛɛku leyuŋgoo tosaa lɔɔlɔɔ wo. Tofa ndu latulu nya yuŋgu numndo, mi la suukaŋ o nyunalaŋ ndaŋ choo. (1) Yɛɛ ndoo tosa yɛ yuŋgu Lahaiyo ve lɛ o kala poŋ o Chɛhowa piɛiyo niŋ te? (2) Yɛɛ ndoo tosa yɛ o kandɔŋndo mi Ŋgɔɔ Lahai bumba pɛɛku leyuŋgoo tosaa? (3) Sila Baabui kuɛɛ mala yɛ kalaŋ chuauwa le chuauwaa ndaa mandaa o nɛi sɔviɔɔ choo? (Ditɔnɔ. 6:​6, 7) (4) Yɛɛ mala yɛ mi suukaŋ kɛndɔɔ wa o yuŋgoo niŋ? (5) Salala soliaŋnda suu kuɛɛ chuauwa yeema yɛ wanaa velu nda wa ma tosa le nda? (6) Vɛɛ Ŋgɔɔ Bɔlɔɔ nda laandɔ tiu yɛ ba ma mala yuŋgu Lahaiyo? (Pulɔ. 27:​17) (7) Le mi wana o wana fee tuei pɛɛku leyuŋgoo yeela nyɛkɛndɛi, yɛɛ fɛŋ wana cho yuŋgoo chilaŋndo nɔ yɛ mbo tosa? (8) Yɛɛ Ŋgɔɔ Lahai tosa yɛ le mi yuŋgu ndɔɔ tosa hiouwɔɔ lachioo? (9) Le yɛɛ pɛɛku leyuŋgoo tosaa lɔɔlɔɔ cho yɛ nyɛ sɔvɛ le yuŋgoo? (Ɛfi. 6:​4) (10) Kɛɛsiaala suu kuɛɛ la mala yɛ tau le pɛɛku leyuŋgoo tosaa? (11) Vɛɛ Ŋgɔɔ Lahai tiu yɛ ba mbo mala Makɔs po ndɔ o nɛi le bɛɛ niŋ kɛ o ve suɛi a lamamɔɔ naa ndu chua le mbo sina le sabu o bɛnda mbo tosa nyɛ cho o kɛndɛ wo? (Chɛlui. 17:​9) (12) Vɛɛ Ŋgɔɔ Lahai nda laandɔ tiu yɛ ba ma mala Lubeka le kɛɛsiaa kɛndɔɔ tosaa a chaŋyɛi wa ndu tɛɛŋ nda Chɔŋsiŋ nde? (Maki 12:​30; 2 Timo. 2:​22) (13) Vɛɛ Ŋgɔɔ Lahai nda laandɔ chɔm yɛ maa a tiindaŋ o Chɛhowa niŋ teleŋ nda wa suukaŋndo le yoomu ndaa miŋgioo tɛtɛlɛ wo? (Maa. 6:​33) (14) Vɛɛ vidueiyo hoo kindilallɛ wanaa cho yuŋgulaŋ chilaŋnda mɛɛ nda nɔ ma pɛɛku yuŋgula ndalaŋ nyɛ nda nɔ ma sina a Chɛhowa okɔɔ wo yɛ? (1 Timo. 5:​8) (15) Yɛɛ cho yɛ tuu numndo maa wana cho yuŋgoo chilaŋndo?

WANAA CHO YUŊGULAŊ CHILAŊNDA, LA KƐSIŊ HEI O KƆL. Tuulaa hoo wa o tosaŋ o bɔŋaŋnda bɛndula Seiyaa Chɛhowaa biinuŋ o wɔsi 2011 ve niŋndo. O teleŋ koŋ niŋ, num aa che pa nɛila ŋ chɔɔlu hiouwɔɔ lachioo tosa o pɛɛku leyuŋgu numndo niŋndo? Kɛ suŋsuŋ yɛ niŋ? Te a che pɛ maa a nɔ wɔ ma chɔɔlu siŋgaŋndaŋ tosa, mɛɛ a yandii piɛi o Chɛhowa lo kanifuule, hei chuu yuŋgu numndo tɔnɔ fafɛɛŋndo.—Ɛfi. 5:​15-17.