Soliŋ Sɔɔŋ cho o Yau Pɛɛku Baabuiyo Niŋndoŋ Kpeku Nyɛkɛndɛi
Te wana naŋ cho Baabuiyo pɛɛkoo wo sina pɛ nyɛ kpeekpei Baabuiyo pɛɛku wo nduyɛ mbo dɔu nyɛ o cho pɛɛkoo wo o wali niŋ, o cho hiouwɔɔ lachioo tosa nduyɛ mbo wa kaala Mɛlɛka chɛltaŋ tosaa. (Sam 1:1-3) Ŋ mala wanaa naŋ cho pɛɛkoo wa ma tosa hiouwɔɔ lachioo te ŋ soliŋ pɛ sɔɔŋ mala nda woŋ ŋpum o sɔɔŋ cho o yau Pɛɛku Baabuiyo niŋndoŋ kpeku nyɛkɛndɛi.
Nyunala Taselaŋ o Suɛi Lebolle Bɛŋgu. Buŋgɛi kɛ kɛ fee kanduŋ a nyunalaŋ nduyɛ mulilaŋ la wa o buŋgɛi keŋ niŋ. Naapum a nyuna wana ŋ cho pɛɛkoo wo nyunalaŋ ndaŋ le mbo yiyaŋ pɔɔ a nyɛ nya cho hunɔɔ pɛɛkoo wo. Ɔɔ naapum a nyuna ndu mbo yɔŋgu mulioo chobe le nyuna kɛ kɛ fee. Te o chiee muli le, chɔm ndɔ ndu muli nyuna koŋ te. Mulila o yɔŋgu laŋ ndaŋ la cho num mala ni ma sina naa kpeekpei ŋ nɔ ma kindila le ndu malaa wa.—Pulɔ. 16:23; 18:13.
Yooŋgula Chɔɔlaalaŋ. Te wana ŋ cho pɛɛkoo wo bii pɛ bila nduyɛ mbo chɛl nyɛ ŋ cho ndu pɛɛkoo wo, a dɛɛniaa ndu mi ndupila tofa yooŋgula chɔɔlaalaŋ a bandɔ. A hiŋ pɛ le pɛɛkoo lɔɔ cheleŋ, chua teleŋ pɔmbɔ le sinaa kpeekpei maa o bii ndu bila. Kɛ a koŋ kpou, te a sina pɛ maa o wa tɔnɔɔ le ndu, chua teleŋ pɔmbɔ teleŋ nya cho wa pɛɛkoo wo mi la yaasiaa yooŋgula chɔɔlaalaŋ. La veelu diomndaŋ o pɛltaŋ lapum niŋ nduyɛ ma nyuna ndu nyunala ŋ bɛɛndiaa tuupa ma huŋ ndu pɛɛkoo wo.
Kɔfu Miiŋgaa Choo Wo. Kɔfu miiŋgaa choo wo o buŋgɛi kɛ kɛ mɛɛlulaŋ nɔ mulilaŋ le nyunala tasela cho o suɛi lebolle bɛŋgu wo. A soliŋ sɔɔŋ muŋ kpeku le sinaa kɛsɛ te wana ŋ cho pɛɛkoo wo bii pɛ bila nduyɛ te o tiu pɛ ba mbo tɛɛsiaa sɔɔŋ kulloŋ. La veelu diomndaŋ le muli kɛ kɛ cho loŋ latulu vɛlɛ a bolii Baabui cho loŋ nde. Okoŋ, dimul wana ŋ cho pɛɛkoo wo mbo soliŋ bolle Baabuileŋ kpeku mbo tɛɛsiaa le yɛɛ muli koŋ cho yɛ tonya. — Walta. 17:2, 3.