Tol Tamasi Wanaa Ndaa Suaa le Mɛlɛka Wa Kɔɔli—Habakuku
1. Vɛɛ teleŋ naa hau vellɛ teleŋ wana ndoo suaa le Mɛlɛka wo Habakuku?
1 Mɛɛ naŋ cho hau o chieeŋ dɛnɛwɔɔŋndo niŋ yɛ, mi naa bɛɛ yiyaŋ mɛɛ Habakuku ndoo yiyaŋ yɛ. Mbo nyuna Chɛhowa aa, “Vɛ ma chɛl mi nyɛ palaa suu waa nuaa o tual la choo? Vɛ mi waŋnda wa sɔɔŋ waa nuaa tosaa a tosa isɔɔ a ndi okɔɔ le?” (Haba. 1:3; 2 Timo. 3:1, 13) Yiyaŋndo a yooŋgu Habakuku wo okɔɔ vɛlɛ a tamasi laalaŋ ndɔɔ ke naa yoomuaŋ mɛɛ naŋ cho paale kɔɔsɔle Chɛhowaleŋ chumndo yɛ.—2 Pitɛ 3:7.
2. Vɛɛ naŋ chɔm yɛ hau maa ŋ tiindaŋ o Mɛlɛka niŋ?
2 Dɔu Tiindaŋndo o Mɛlɛka Niŋ. Habakuku chɛl mi sɔɔŋ dɛnɛwɔɔŋ wa ndu yɔŋnɔŋndo ikɛiyoŋ kɛɛlu ndu wali Chɛhowaa tosa le kɛ, mbo lo isisi yi o Mɛlɛka piɛiyo niŋ. (Haba. 2:1) Mi Chɛhowa dimul wana ndɔ suaa Habakuku maa nyɛ ndu Chɛhowa dimi wo cho peelɔŋ nduyɛ a teleŋndo kinɛi. Mbo dimi aa, “Wanaa cho sakpo Mɛlɛka o hɔlla, nda cho wa yoomu. Kani fondole, le mɛɛ nda dɔu tiindaŋ ndaa o Mɛlɛka niŋ yɛ.” (Haba. 2:2-4) Yɛɛ hoo sim yɛ le Kilisiɔŋaa cho hau o chieeŋ la mɛɛloo hoo niŋndo? O cho sinaa teleŋ mɛɛlulaŋ la cho hunɔɔ wo Ie cho nyɛ sɔvɛ le, kɛ laalaŋndo kpeekpei maa mɛɛlulaŋ la cho hunɔɔ cho nyɛ sɔvɛ hiou kpou wo ni. Laalaŋndo nyindu naa miŋ wa yekeŋ nduyɛ miŋ kɛsi wali Mɛlɛkaa nyɛ tase o yoomu naa niŋ.—Hibu. 10:38, 39.
3. Le yɛɛ naŋ nɔ yɛ miŋ wa a nyaale o Chɛhowa piɛiyo niŋ?
3 Dɔŋ Nyaale o Chɛhowa Niŋ. Teleŋ Masaa Kɔki cho wanaa Chɛhowaa chiŋalaŋndo, teleŋ koŋ naŋ cho tɔɔndaŋndo sɔla le laalaŋ naa ni. (Isi. 38:2, 10-12) Chɔuwo huŋ a nyɛpalaa bɛndoo, hali wanaa yam ndu wa bɛɛ. Mbo wa ikala kpoke le nyɛdiaa sɔlaa, mi nyɔɔŋ tambu, nduyɛ mi sɔɔŋ siŋgaŋ ŋ ve lɛ maa paandu le. Yɛɛ naŋ cho yɛ tosa te nyɛkindilaa komal naa pɛ? Mɛɛ nyɛkindilaa komal Habakuku, mbo bii kɔl ndɔɔ kpiŋ le mbo lo a nyaale o Chɛhowa piɛiyo niŋ. (Haba. 3:16-19) “Kɔl nyulu Mɛlɛka Yaawɛɛ” wo cho naa mala miŋ biunuŋ tɔɔndaŋndaŋ o chilaŋ niŋ.—Nɛhi. 8:10; Hibu. 12:2.
4. Nyaale kuɛɛ cho yɛ le naa suŋsuŋ vɛlɛ a o chilaŋ niŋ?
4 Wanaa Chɛhowa kiindiaa niŋ teleŋ paale ndɔ le kɔɔsɔleŋ le cho hunɔɔ wo hiau niŋ lachi a pɛɛku iMɛlɛkayaa sɔlaa. (Haba. 2:14) Wanaa sɔla niŋ fulasɛiniŋndo wa bɛɛ cho pɛɛkoo sɔla a Chɛhowa okɔɔ. Mɛɛ naŋ suaa bɛɛ naa yɛ, ŋ soliŋ kpeku a teleŋ kɛ kɛ naŋ nɔ pɛ le suɛi a Chɛhowa okɔɔ vɛlɛ a walta ndɔla kɔndɔfiltaŋ!—Sam 34:1; 71:17.