Ɛlifaasi.
Wana che pɛ maa Tɛmaŋ chiee o fula ni o lɛŋnde Idɔmndeŋ niŋ. Chɛluimaya 49:7 dimi a Tɛmaŋ okɔɔ maa loŋ wanaa kɔl kaluaa wa ni
Wana che pɛ maa Ɛlifaasi wa nda kaasoŋnɔɔ choo ni nduyɛ ndu fɛŋ kandu suɛi. Mbo chɔm fulii maa ndu hiou chaa wana dɛɛniaa a waŋnda a piliaa. Le bɛmbɔɔ leyaa o soo ni nduyɛ mbo suaa tau mbo hiau puaa ŋiɔɔŋnda a piliaa
Sɔɔŋ lachoowaŋ o dimi woŋ.
Mbo mam Choobu le mɛɛ o lo o pimbi ndɔ simiaa choo yɛ nduyɛ mbo dimi maa Mɛlɛka laalaŋ o buɛiyaa nduaa niŋ te (Choobu 4, 5)
Mbo dimul Choobu maa o heeluŋ bɔɔ, wana dɛnɛ wɔɔŋndo o cho ni nduyɛ, maa Choobu nɔ isiooŋ le Mɛlɛka le (Choobu 15)
Mbo handu Choobu sɔɔŋ choo maa wana le hɔllo o cho ni, wana lakafaa nduyɛ maa wana chioo cho nyɛ sɔvɛ Mɛlɛka o hɔl te (Choobu 22)
Bilidaa.
Suaa chiee o fula ni. Wana che pɛ maa o Pioo Yufiluatii ikɛi o wa i chali ni
Ndu wa wana diiŋ ndɔɔ le suɛi ni. Le bɛmbɔɔ leyaa o soo ni nduyɛ o suu tau le kɛ nyɛ o dimi wo ndoo hiou le wɔu a nyɛ Ɛlifaasi dimi wo
Sɔɔŋ lachoowaŋ o dimi woŋ.
Mbo dimi maa hakioo chuauwaa Choobu wa tosa ni nduyɛ maa kpundɔɔ chaa bɔɔ nda komal ma wu. Nduyɛ mbo dimi vɛlɛ maa Choobu pila ve wana Mɛlɛka le (Choobu 8)
Mbo dimi maa wana yɔŋ wɔɔŋndo Choobu wa ni (Choobu 18)
Mbo dimi maa wana chioo loo o pimbi simiaa choo nyɛ fondoo fuu o cho ni (Choobu 25)
Sofaa.
Naamataitiinɔɔ o wa ni, naapum o lɛŋnde Alueebiaaleŋ niŋ naa paaleŋ le kua delɔɔ baluaŋndo wa o fula ni
Ndu wa wana yaa ndɔɔ le suɛi ni. Nduyɛ nyɛ o dimi wo ndoo hiou le wɔu a nyɛ a piliaa dimi wo. Le bɛmbɔɔ lediiŋ kinɛi o soo ni
Sɔɔŋ lachoowaŋ o dimi woŋ.
Mbo handu Choobu sɔɔŋ choo maa sɔɔŋ fondoŋ o cho dimioo ni nduyɛ maa Choobu soli balaŋ o yɔŋ wɔɔŋndo niŋ (Choobu 11)
Mbo dimi maa wana dɛnɛ wɔɔŋndo Choobu wa ni nduyɛ sɔɔŋ hakiooŋ ndoo hɛnaŋ tosaa ni (Choobu 20)