Yoomu Naa Tosaa Tɛtɛlɛ Mala Naa Miŋ Saŋgala Mɛlɛka

O hau niŋ, o wa bɔɔ tɛtɛlɛ le yoomu naa tosaa kpɔndi kpɔndi a sɔɔŋ bɔɔbɔɔ. Teleŋndo a kpaayaa yeemaŋ ni le piinduulaŋ, paawaa le nyɔɔ, soliŋndo nyɔɔ kpeku, nyɔɔ mandaa, vɛlɛ a nyɛm naŋ nɔ woŋ biyɔɔ nyɛkɛndɛi. Mi Chiisu tosa yoomu ndɔɔ tɛtɛlɛ le halikpeŋ nyɛm kiɔɔŋ kɛɛlu ndu wali dimiaa yooŋgu kɛndɔɔ tosa le.—Mat 8:​20.

Vɛɛ ŋ tosa yɛ yoomu numndo tɛtɛlɛ le halikpeŋ ma tosa tau o wali pollo niŋ? Te a tosa pɛ siŋgaŋndaŋ latiŋ, baa waŋndo o yuŋgu numndo niŋ nɔla pa mbo chua kɔɔfaleŋ? O yɔŋ bɛɛ ma wa niŋ o wali lɔɔlɔɔ Mɛlɛkaa niŋ, baa a cho pa chɛlɔɔ nyɛɛmbɔ nyɛɛmbɔ le mi nyɛm kiɔɔŋ tosa yoomu numndo kpɔndi kpɔndi? Yoomu tɛtɛlɔɔ o wali Chɛhowaa niŋ chuu num nyaaloo a kɔl hiniaa tau.—1Timo 6:7-9.

Poomyiaa nɛila ŋ tosa yoomu numndo tɛtɛlɛ laŋ.