Waŋnda Bandu Mɛŋgɛlaa Kioo Chieeŋndo Balɔɔ Silɔ o Tapioo Niŋ

Waŋnda o chieeŋndo niŋ kpou yeema kɔl dɛɛniaa. (Iki 4:1) O paŋgii Tapioo niŋ kinɛi, ŋ cho kindiŋ kpoke le waŋnda chieeŋndo balɔɔ silɔ Bandu Mɛŋgɛlaa kioo. Bandu Mɛŋgɛlaa hoo cho wa suɛi a kɔl dɛɛniaa okɔɔ. Wou sɛmbɔɔ le waŋnda kpou yauwo hoo kioo. Kɛ o wa bɛɛ lende, le mɛɛ naŋ yeema miŋ suukaŋ a waŋnda le nda kɔltaŋ dɛɛniaa yɛ, ŋ cho yauwo hoo wa mɛiyo o chiɛila naŋ komal niŋ wana le laŋ te.

NYƐ Ŋ NƆ LE DIMIOO WO

“Naa kpou yeema kɔl dɛɛniaa teleŋndaŋ lapum. Kɛ kuɛɛ naŋ saaluŋ yɛ kɔl dɛɛniaa? [Nuawɔ Kɔliŋtiaŋ Diiŋ Ndɔɔ 1:3, 4.] Yau Bandu Mɛŋgɛlaa hoo chɔm mɛɛ Mɛlɛka ke naa kɔl dɛɛniaa suu waa naa yɛ.”

Te waŋndo chɔm yeemɛi pɛ mbo bii yauwo, . . .

CHƆM NDU VIDUEIYO HOO, LE YƐƐ Ŋ PƐƐKU YƐ BAABUIYO?

Okoŋ, dimul ndu le pɛɛku Baabuiyo kandɔɔ.

KILA ŊGEMELAA LE MIIŊGU MAKƆƆ TOSAA

Mel ndu nyuna nya cho hunɔɔ suukaŋ choo a teleŋ cheleŋndo. Naapum a nyuna ndu aa, “Le yɛɛ Mɛlɛka chɛllɛ mi nyɛpalaa wa?”