Nyɛ Ŋ Nɔ le Tosaa Wo

Nyunaa: Wanaa bɔɔbɔɔ yema ma sɔla kɛndiaa sɔviɔɔ. Yɛɛ ŋ yiyaŋ yɛ maa ŋ tosa le miŋ mandaŋ yɔŋii naŋ sɔla naa?

Bolle Baabuileŋ: Pulɔ 22:3

Nyɛ Ŋ cho Yɔŋgu Wo: Yau “Tiondoo!” hoo yaasiaa nɛila naŋ chua le miŋ wa wanaa kɔl kalu nduyɛ miŋ kpakpala nɛila chuu naa naa laŋ.

Nyunaa: Baa Mɛlɛka tuisi naa nyɛpalaa choo ni ɔɔ sɔɔŋ cheleŋ?

Bolle Baabuileŋ: Choobu 34:10

Tonyaa: O cho Mɛlɛka le tuisi naa nyɛpalaa choo le. Kɛ Nyina Wɔɔŋndo, waŋchieeyaa tosa kɛɛsiaala wɔɔŋnda nda, nduyɛ naapum miŋ wa o fondaŋ wɔɔŋndo vɛlɛ a teleŋ bɛnda le wo. Te nyɛpalaa wa naa choo pɛ, Mɛlɛka cho naa mala. O buulaŋ kpeekpei a naa okɔɔ.

Nyunaa: Baa a laalaŋ pa maa Mɛlɛka chieeŋndo cho o babɛŋgu ni? [Chum mbo muli.] Kɔndɔfillo cho num biyɔɔ a nyɛ Baabuiyo dimi wo. Vidueiyo hoo tɛɛsiaa ndi chobe. [Chɔm vidueiyo.]

Nyɛ Ŋ cho Yɔŋgu Wo: Buŋgɛi 11 o yauwo hoo niŋ yaasiaa le sabu Mɛlɛka chɛl nyɛpalaa wo nduyɛ yɛɛ o yiyaŋ yɛ le tosaa a ndu okɔɔ. [Yɔŋgu yau Pɛɛku Baabuiyo ɔɔ “Pɛɛku Naa”.]