Pɛɛku iMɛlɛkayaa Tiu Yɛletulaaleŋ Ba

Chɛhowa hɛli ŋwaŋnda chiee le. (Walta 10:34, 35) O chɛl wana o wana “fula o lelɛŋ o lelɛŋ, a lekaa o lekaa, a waŋnda suu o suu, a isɔɔ o isɔɔ maŋgalaa” niŋ. (Sɔɔŋ 7:9) Lelaŋ, o bɛnda miŋ nɔ yɛletulaaleŋ le wana o wana o kunda leKilisiɔŋndo niŋ ɔɔ miŋ chua acheleŋnda maa a bɛnda ma hiau acheleŋnda le. (Chemi 2:1-4) Ŋ mel Chɛhowa balikaa le pɛɛku iMɛlɛkayaa sɔlaa, miŋ wa kpele hɛnɛkiɔɔ tueiyɔɔ yeela suŋ suŋ o Mɛlɛka piɛiyo niŋ. Kanifuule ŋ cho chɔɔ mɛɛ waŋchieeyaa bɔɔbɔɔ siŋga kaala ndalaŋ yɛ. (Ai 11:6-9) Te ŋ kindiŋ pɛ o nɛi o nɛi niŋ miŋ soliŋ yɛletulaale kɛ kɛ o kɔl, ŋ chɔm maa ŋ cho tamasi Mɛlɛka wo tolɔɔ kɔɔli.​—Ɛfi 5:1, 2.

TOFA VIDUEIYO HOO, CHƆƆNI NDA KIDIƆŊ: NDAA TULNAŊ LEYƐ, PUAAPILIAA NDA CHO NIŊ NI. TE VIDUEIYO CHUU PƐ, LA MULI NYUNALAŊ NDAŊ:

• Le yɛɛ pɛɛku iMɛlɛkayaa hiou yɛ kindiŋ waŋchieeya cho le yɛ yiɔɔ chiiyo vɛlɛ a yɛletulaaleŋndo?

• Yɛɛ nɛŋi yɛ num kɔl a puaapiliaa kpou chieeŋndo balɔɔ silɔ?

• Vɛɛ Chɛhowa sɔla yɛ saŋgalaa te ŋ nɔ pɛ diompilɛ leKilisiɔŋndo?