Yaŋ Mɛlɛka Nilaŋ​—Mɛɛ Ŋ Soliŋ Ndu Kpeku Yɛ

Yauwo hoo Yaŋ Mɛlɛka Nilaŋ, o toosiaŋ a fotueilaŋ le wanaa chiee diomndaŋ veelu le wa sɔɔŋ tonya tase cho o Baabuiyo niŋndoŋ pɛɛkoo. Buŋgɛi kɛ kɛ nɔ pei i ŋiiŋ a fotueila nda toosiaa nyɛkɛndɛi laŋ, nduyɛ la nɔ nɛi chɔmaa le num malaa ma hiou o fotuei cheleŋ.

Yauwo hoo Yaŋ Mɛlɛka Nilaŋ ma wa Achal Lefafɛɛŋ nɔ fotueila pilɛlaŋ kpe a Yaŋ Mɛlɛka Nilaŋ, kɛ Yaŋ Mɛlɛka Nilaŋ ma wa Achal Lefafɛɛŋ nɔ poonyiaa tau nduyɛ a soliŋ ndu kpeku le wanaa chaa diomndaŋ veeloo o pɔmpɔmbɔ wa. Wanaa dimiaa yooŋgu kɛndiaa pila hɛnaŋ Yaŋ Mɛlɛka Nilaŋ ma wa Achal Lefafɛɛŋ soliŋndo kpeku, kɛ mi wana nda cho pɛɛkoo wo soliŋ Yaŋ Mɛlɛka Nilaŋ kpeku. Pei bɔɔbɔɔ nɔ kɔfoo a sɔɔŋ cheleŋ nya yeema niŋ yaasiaa woŋ, a mɛɛ wana ŋ cho pɛɛkoo wo bii sɔɔŋ bila yɛ.

A yɔŋgu yaula tiɔɔŋndaŋ teleŋ o teleŋ mbo ve bɛɛ laŋ te naŋ nɔ le yɔŋgoo o paŋgei niŋ te. Te a wa pɛɛku Baabuiyo tosaa pɛ, soliŋ fotueilaŋ kpeku le ma tɛɛsiaa bundɔŋ Baabuiyo. Wa wana ŋ cho pɛɛkoo wo nyuuniaa le mi ndu bɛɛ soo a teleŋ nya cho wa pɛɛkoo wo nduyɛ ma sina te o cho pɛ biyɔɔ bila. Veelu diomndaŋ mi la yaasiaa bolii Baabui cho o peele kɛ kɛ mɛɛlulaŋ ndo. Te la chii yauwo hoo pɛɛku pɛ, la pɛɛku Yɛɛ Kpeekpei Baabuiyo Pɛɛku Yɛ? ɔɔ Yɛɛ Baabuiyo Pɛɛku yɛ Naa? le wana ŋ cho pɛɛkoo wo malaa mbo tosa hiouwɔɔ lachioo mbo suiliŋ le yiŋɔɔ.