La Loonuŋ Nyɛ Yɔŋnuŋ a Lanɔɔ Lɔtu Wo

Le yɛɛ lanɔɔ Lɔtu nuaŋnuŋ yɛ kɔɔli mɛɛ o wa fulaa Sodɔm? Baabuiyo suu a keŋ okɔɔ le. (Chɛ 19:​17, 26) Nyɛ dimiŋ o sila Chiisoo niŋndo chɔm maa ndoo nɔ yeemɛi tau le nyɛm o mɛɛ kɔɔli woŋ. (Luk 17:​31, 32) Vɛɛ naŋ kpakpala yɛ kaala naŋ nɔ le Mɛlɛka wo malɔɔ maa lanɔɔ Lɔtu? Ŋ nɔ miŋ chɛl mi yeemaŋ nyɛm kiɔɔŋ simnuŋ nyɛ tase o yoomu naa niŋ te. (Mat 6:​33) Mi Chiisu dimi o pɛɛku ndɔɔ niŋ maa “wana lenduŋ kɔl o nyɛ sɔlaa, ma nɔla Mɛlɛka saaŋgial te.” (Mat 6:​24) Kɛ te o wa yɛ miŋ saaluŋ maa yeemaŋ naŋ le nyɛm kiɔɔŋ cho teleŋndo chuaa mbo hiau sɔɔŋ Mɛlɛkaŋ o yoomu naa niŋ? Ŋ nɔ miŋ piɛi o Chɛhowa lo le nɛi chɔmaa le chɔɔ naa naŋ nɔ miŋ tosa yɛlɛmiaalaŋ nda nduyɛ miŋ piɛi le kɔl sikpaa a yoomuaŋ le keŋ tosaa.

YIYAŊ A VIDUEI PƐLTA YAAWO HOO LA LOONUŊ NYƐ YƆNUŊ A LANƆƆ LƆTU WO, OKOŊ MI LA MULI NYUNALAŊ NDAŊ:

• 

  Vɛɛ baŋɔɔ nda baŋ Konaa le kaniei sɔlaa tau wo tosa yɛ mbo siŋga yiyaŋnda ndɔlaŋ, suɛi nduɛi, a nyɛm o wa tosaa woŋ?

• Vɛɛ lanɔɔ Lɔtu cho yɛ taamasi silaa le naa hau?

• Vɛɛ sawala mandaala Baabuiyo dɔwɔɔ o wali niŋ la mala yɛ Choo a yuŋgu ndɔɔ?

• Vɛɛ Hana Chaaŋaa nduaa o fondaŋ ndɔ wallo paaliaŋ yɛ ndu o Mɛlɛka piɛiyo niŋ?

• Le yɛɛ naŋ yeema yɛ kɔl sikpaa te a baŋ naa pɛ le kaniei kɛsioo nyɛ tase o yoomu naa niŋ?

• Vɛɛ Gbɔlii nda Konaa miiŋgu yɛ vɛlɛ sɔɔŋ Mɛlɛkaŋ kɛsi nyɛ tase?

• Sawala mandaala Baabui kuɛɛ ŋ che yɛ o vidueiyo hoo niŋ?