Ŋ WAŊNUŊ MAA ŊKILISIƆŊ
Hiouwɔɔ Lachioo Tosaa O Wali Pollo Niŋ—JW.ORG Soliŋndo Kpeku
LE YƐƐ HEI BƐNDA YƐ?: Yau kɛ kɛ cho o Kɔfu Nyɛm Waliŋ Naŋ Pɛɛku Waŋnda Woŋ niŋ cho chɔmndo a jw.org okɔɔ. Nduyɛ, sabu kpeekpei yau ŋ kua o jw.org wo a yau pɔmbɔɔ hoo Kuɛɛ Naŋ Saaluŋ yɛ Mulilaŋ le Nyunala Sɔvɛlaŋ o Yoomoo Niŋ? le waŋnda yɔɔ o tɛɛŋgii nɛi la cho ni. A soliŋ jw.org kpeku ma ke waŋndo yauwo o Kɔfu Nyɛm Waliŋ Naŋ Pɛɛku Waŋnda Woŋ niŋ. A yɔŋ ndu o intanɛtiiyo choo ɔɔ suukaŋndo a wana koŋ o nyɛ num mapuuloo choo. O mala tau te a wa pɛ yooŋgu kɛndɔɔ dimioo o wana dimi suɛi maŋgalɛi cheleŋnde lo. Le handɔɔ lechoo, mulilaŋ la wa o yaula naalaŋ niŋ le nyunala waŋnda nyunalaŋ kɛ a seeluŋ yaulaŋ ndaŋ o Kɔfu Nyɛm Waliŋ Naŋ Pɛɛku Waŋnda Woŋ niŋ te. Te ŋ soliŋ pɛ tɛɛŋgii nɛi kpeku, ŋ nɔla miŋ sɔla batiuwaa tau o wali pollo niŋ.
VƐƐ Ŋ TOSA YƐ HEI?:
Soliŋ fondaa hoo kpeku “YAULAŊ A NYƆƆŊ.” Te o wa yɛ maa a cho yooŋgu kɛndɔɔ dimioo o kala chuaa lo, nduyɛ o yeema mbo chɔɔlu sinaa a chuaa mandaa okɔɔ. Kɔ o YAULAŊ A NYƆƆŊ > BUKUILAŊ A BULUCHIƆƆLAŊ.
Soliŋ fondaa hoo kpeku “YAULAŊ A NYƆƆŊ.” Te o wa yɛ maa a cho yooŋgu kɛndɔɔ dimioo o baltaŋ niŋ o sukuu nduyɛ ma yeema le ma chɔm chaaŋ num nya cho o toŋgo pilɔɔ niŋndo buluchiɔɔ hoo Mulilaŋ le Nyunala 10 Feleŋguaa Nyunalaŋ. Kɔ o YAULAŊ A NYƆƆŊ > BUKUILAŊ A BULUCHIƆƆLAŊ.
Soliŋ fondaŋndo hoo kpeku “A NAA OKƆƆ.” Te o wa yɛ maa a cho yooŋgu kɛndɔɔ dimioo o chaaŋ num nya tosa wallo wo lo, okoŋ mbo yeema sinaa a laalaŋnda naalaŋ okɔɔ. Kɔ A NAA OKƆƆ > NYUNALA WAŊNDA NYUNA LƆƆ LƆƆ LAŊ.
TOFA VIDUEIYO JW.ORG SOLIŊNDO KPEKU, OKOŊ MI LA SUUKAŊ FONDAŊ KUƐƐ NAŊ KUA YƐ O TƐƐŊGII NƐI LE MIŊ MALA:
wana laalaŋ o Mɛlɛka niŋ te wo
wana kpundɔɔ laŋga komallo
puaapilɛnɔɔ ɔɔ ndepilɛnɔ kelu hunɔɔ o bɔŋaŋndaŋ a wali pollo wo
le miiŋgu makɔɔ tosaa o wana sikaa cho a mɛɛ wali naa cho o toolaŋ yɛ
wana cho o lɛŋnde cheleŋ niŋ kɛ mbo yeema bɔŋaŋndo biyɔɔ o lɛŋndeŋ ndɔleŋ niŋndo