Kaalaa Chɔm Ni Maa Kilisiɔŋaa Tonyaa Naŋ Cho Ni​—Manda Diompilɛ Naa

LE YƐƐ HEI BƐNDA YƐ?: O nyumma Chiisu sɔla piɔmndo waŋ choo, mbo piɛi maa buɛiyaa nduaa “wa diom pilɛ.” (Chɔŋ 17:​23) Le miŋ lo diompilɛ, mɛɛ miŋ chɔm kaalaa, kanifuule, kaalaa “manda suɛi nɛiyaŋ o kɔl te.”​—1Kɔl 13:​5

VƐƐ Ŋ TOSA YƐ HEI?:

• Tol taamasi Chɛhowaa kɔɔli a mɛɛ ŋ nuuviaa acheleŋnda o kɛndɔɔ o ŋdial lɛ

• Mal acheleŋnda haki fasɛi

• Te la chii suɛi yɔŋnuŋnde bɛɛndiaa pɛ, suaa lɛ a ndi okɔɔ le—Pulɔ 17:​9

LA TOFA VIDUEIYO “LA KAALIAŊ VELLAA VELLE”—KƐSIŊ SUƐI NƐIYAŊNDE O KƆL TE, OKOŊ MI LA MULI NYUNALAŊ NDAŊ:

• O pɛl tasoo o vidueiyo hoo niŋ, vɛɛ Hɛliŋ chɔm yɛ maa o wa ‘suɛi nɛiyaŋnde’ kɛsiŋndo o kɔl?

• O pɛl diiŋ ndɔɔ o vidueiyo hoo niŋ, vɛɛ Hɛliŋ chɔulaba yɛ le yiyaŋ wɔɔŋndo malɔɔ mbo chua yiyaŋ kɛndɔɔ?

• O mɛɛlulaŋ, vɛɛ Hɛliŋ kindiŋ yɛ le hunɔɔ a kɔl nyuloo o kundaa niŋ?