Mi Nyina Diandaa Tual Kunda leKilisiɔŋndo Choo

2:​1-8, 14, 37, 38, 41-47

Chuuwaa bɔɔbɔɔ wa Chulusɛlɛm a Pɛŋtikɔɔsi wɔsi 33 C.E. niŋndo, o lɛŋii cheleŋ niŋ ndaa fula ni. (Walta 2:​9-11) Mi che bɛɛ mi ndaa bii Sawala Mɛlɛka ke Muuselaŋ, naapum o yoomu ndaa niŋ kpou o lɛŋii cheleŋnde niŋ nda wa ni. (Chɛlui 44:​1) Lelaŋ, apum mɛɛ nda wa yɛ a mɛɛ ndaa suaa yɛ ndoo chɔm maa a ve nyɛ pilɛ a Chuuwaa tuaa le. Mɛɛ wanaa 3,000 fula haa o lɛŋii yɛ yɛi niŋnda huŋ sɔla yiŋɔɔ, mi kunda leKilisiɔŋndo pia cha a waŋnda suu o suu. Mi che bɛɛ ndaa fula o kɔɔlima yɛ yiaŋ niŋ, kɛ a wa lɔɔlɔɔ “chuuŋgiaŋndo o chiɛi Mɛlɛkaa niŋ naa pilɛ.”—Walta 2:​46.

Vɛɛ ŋ chɔm yɛ yeemɛi kpeekpeiye o . . .

• wanaa fula o lɛŋii cheleŋ niŋ ma wa o tanda numndo niŋndo?

• puaapiliaa a ndepiliaa fula o lɛŋii cheleŋ niŋ ma wa o kunda numndo niŋndo?