A Nɔ Pa Sinapɛŋgoo a Suliŋnda Mɛlɛka Wana Chi Kposoŋ Te Laŋ?

Te a tofa pɛ bil lapeeŋgoo mɛɛ o nɔ kɔɔle yɛ yɛleŋ yɛ, halaa choo choo a looŋ tau, ɔɔ ma che mɛŋndaŋ tolɔɔ o ballo, a cha pa wali bɛndu Wana Toosiaa tosa wo? Nyɛm cho naa ŋ balaa woŋ chɔm kpendekele suliŋnda Mɛlɛka wana chi kposoŋ te laŋ. (Luom 1:​20) Te ŋ chal pɛ kpɛ miŋ yiyaŋ a nyɛm naŋ cha a lehɔl loŋ, miŋ che kpaaya Mɛlɛkaa, kaalaa, taasioo, sandei, a kɛndɛi nduɛi.—Sam 104:​24.

Ɔɔ walta Chɛhowa laŋ latiŋ la ŋ cha lepaa o lepaa laŋ? O yɔŋ bɛɛ ma wa o chiee bɛndoo niŋ, ma che youwa a yɔmnde. Tofaa nyɛm Chɛhowa toosiaa woŋ nyɛkɛndɛi mala naa miŋ dɔɔniaa buulaŋndaŋ nduyɛ miŋ handu kɔllo o nyɛm hiou wa ŋ sɔvɛ woŋ choo. Okoŋ miŋ chɔɔlu tiindaŋndo dɔwɔɔ o Chɛhowa niŋ maa o nɔla mbo manda naa lefafɛɛŋ. (Mat 6:​25-32) Te a nɔ chuauwa pɛ, mala nda le ma che suliŋnda teŋgeŋnda Chɛhowalaŋ. Mɛɛ naŋ hiau lachi fau a balika melaa chɔmndo le nyɛm balu naa woŋ yɛ, ŋ cho chɔɔlu sɔɔŋguu Wana Toosiaa nyɛ o nyɛ fee wo ikɛi kpɛɛluŋ.—Sam 8:​3, 4.

TOFA VIDUEIYO HOO KƆNDƆFILTA NYƐM MƐLƐKA TOOSIAA WOŊ CHƆM TƆƆMAYƐI NDUƐI—PAŊGELOO A KƆƆLE YƐ YƐLEŊ, OKOŊ MI LA MULI NYUNALAŊ NDAŊ:

• Vɛɛ nyɛ siŋga kɔɔleŋ ndo mala yɛ naa le nyɔɔŋ chɔɔ a kɔɔle yɛ yɛleŋ?

• Le yɛɛ naŋ cha yɛ mi nyɔɔŋ siŋga kɔɔle yɛ yɛleŋ?

• Le yɛɛ naŋ cha yɛ kɔɔle yɛ yɛleŋ o halaa niŋ?

• Nyɛm kuɛɛ ŋ saaluŋ yɛ o fondaŋ numndo ŋ nɔ kɔɔle yɛ yɛleŋ ndoŋ?

• Le yɛɛ o bɛnda yɛ miŋ chua teleŋndo le chieeŋ naa hoo mɛɛndaŋndo?