Ŋ WAŊNUŊ MAA ŊKILISIƆŊ

Hɛli Yelelaŋ Numndo a Taasi

Le yɛɛ naŋ nɔ yɛ miŋ hɛli yelelaŋ naa a taasi? Kanifuule te ŋ hɛli pɛ vidueiyo, chondei le nilaŋ yaŋɔɔ, tɛɛŋgii intanɛtii naŋ kua choo ve, yauwo le diomndaŋ veeloo ɔɔ pisultaŋ o nyɛm mapuuloŋ choo, mɛɛ ndu naŋ hɛli ni le miŋ pei o yiyaŋnda naalaŋ niŋ. Nyɛm naŋ hɛli le yelelaŋndo woŋ piiliaŋ kaala naalaŋ. I cho suɛi imɔnɔ le sinaa maa yelelaŋnda bɔɔbɔɔ cho hau laŋ la nɔ nyɛm Chɛhowa tul leyɛ woŋ leniŋ. (Sam 11:5; Kal 5:19-21) Le sabu koŋ, Baabuiyo dɛɛniaa naa le miŋ hiou lachi a sɔɔŋ chuu Chɛhowa bɛɛleŋ ndoŋ nuuviaa.—Fil 4:8.

LA TOFA VIDUEIYO HOO YELELAŊ SUU KUƐƐ YA NƆ YƐ MI I HƐLI? OKOŊ, MI LA MULI NYUNALAŊ NDAŊ:

Vɛɛ pisulta kɔl tuu bɛndula maLuomaŋnda cho yɛ nyɛ pilɛ a yelelaŋndaŋ hau?
Vɛɛ wanaa cho o kunda leKilisiɔŋndo niŋnda mala yɛ feleŋguaa le ma hɛli yelelaŋndaŋ a taasi?
Vɛɛ Luomaŋnda 12:9 piiliaŋ yɛ yelelaŋ naŋ hɛli wo?
Ɔɔ taamaseliilaŋ latiŋ a yelelaŋnda kɛndɛla cho o tanda numndo niŋndaŋ?

YELELAŊ KƐ KƐ CHƐLƆƆ ƆƆ KIƆƆ?

Yelelaŋnda bɔɔbɔɔ nda cho hau toosiaa laŋ la tosa mi waŋndo chɛl kaa suu o suu, kɛ o cho le mbo kɛɛ le. Vidueilaŋ, yaulaŋ, vɛlɛ a nyɛm nda handu o tɛlivisiɔŋndo choo woŋ tosa miŋ chua kɔl kalu wanaa toosiaa laŋ nda, o cho kɔl kalu naa le. Mi che bɛɛ mi yelelaŋnda tosa mi wana chɛl kaa suu o suu wo wa hau tau, kɛ wanaa bɔɔbɔɔ saaluŋ maa la kuuna nda laŋ la chuu nda niŋ tɔnɔlaŋ tau. Le taamaseliiyo, mi a bɔɔbɔɔ tuei nyɛchaa lɔɔ ɔɔ fotueilaŋ toosiaa yeela. Mi acheleŋnda tuei yeela yelelaŋndaŋ tosaa naa cheleŋ, mɛɛ bɔllo lɔɔ ɔɔ kɔlaŋ o fondaŋ yololiɔɔ cho naa yɛ. Yelelaŋ kɛ kɛ naŋ hɛli pɛ le tosaa, “ŋ tosaŋ ndi le hali kpeŋ mi waŋnda ke Mɛlɛka bɛɛleŋ tau.”—1Kɔl 10:31.