Walta Kɛndɛla Naŋ Tosa Mɛlɛka Puɛɛŋ Te Laŋ

Wanaa cho Chɛhowa piɛiyo wa kpou tiuba ma tosa sɔɔŋ Chɛhowa nɔla mbo puɛɛŋ fɛɛŋ bɛɛ le woŋ. Mɛɛ finya kaalaa hini naa kɔl le sɔɔŋ kɛndɛŋ chuauwaa nduaa tosa woŋ yɛ, lende koni Chɛhowa puɛɛŋ walta naalaŋ nduyɛ a kaala naŋ chɔm le diola ndɔlaŋ ndo le ni. (Mat 6:​20; Hibu 6:​10) A tonya, naa kpou nɔ yoomuma a taasila pilɛ le. Kɛ, te ŋ tosa pɛ nyɛ naŋ tiuba wo o wali Chɛhowaa niŋ, ŋ cho wa a nyaale. (Kal 6:​4; Kolo 3:​23) O wɔsiŋ hiou woŋ bɛŋgu, puaapiliaa a ndepiliaa o waalaŋ niŋ tosa niŋ wallo o Bɛtɛɛl ni. A tiu pa ba ma yɔŋguŋ wulee le wallo tosaa o Bɛtɛɛl? Te a tiuba le, a dɛɛniaa pa wana cheleŋ le keŋ tosaa ɔɔ a nɔla pa ma mala wana cho wallo Bɛtɛɛl lo le mbo hiou lachi a wallo tosaa Bɛtɛɛl?

TOFA VIDUEIYO HOO NYƐ NƆ MA TOSA LE WALLO TOSAA O BƐTƐƐLLO, OKOŊ MI LA MULI NYUNALAŊ NDAŊ:

• Yɛɛ nɔ yɛ mbo nyindu naa le wallo tosaa o Bɛtɛɛl?

• Diomnda kuɛɛ waŋnda apum dimi yɛ a salala wana sɔla le wallo o Bɛtɛɛl lo?

• Suliŋnda kuɛɛ waŋndo nɔ yɛ mbo komal le wallo tosaa o Bɛtɛɛl?

• Vɛɛ ŋ yɔŋgu yɛ yauwo le wallo o Bɛtɛɛl?