Ŋ WAŊNUŊ MAA ŊKILISIƆŊ
Chɛhowa Kaala Wanaa Diandaa
“Pulu balaŋ. Dindi naa ŋ lɔlla. Bɛɛsuu chiɛiyo. Kɔ viou billo. “ Mi kalaŋ chuauwaa bɔɔbɔɔ pɛɛku chuauwaa ndaa le ma kɛsi ndapila a diandaa. Kɛ, Mɛlɛka cho puundule sawa mandaa ni le waa o diandaa. (Ɛs 30:18-20; Di 23:14; 2Kɔl 7:1) Te dialuŋ naŋ a nyɛm naŋ wa pɛ ŋ diandaa, miŋ ke Chɛhowa bɛɛleŋ. (1Pitɛ 1:14-16) Ɔɔ fonda naa chalaa ɔɔ bɛɛla naalaŋ? Ŋ nɔ miŋ wa maa wanaa viau nyɔɔŋ o nɛi ɔɔ naa nyɛm nyaanaŋndoŋ simnda le. Mi Kilisiɔŋnda kindiŋ kpoke le chieeŋndo kɛsioo o diandaa. (Sam 115:16; Sɔɔŋ 11:18) O wa bɛɛ nyɛm taaniŋndoŋ mɛɛ yaula bɔŋ bɔɔndo, kobolaŋ, chiŋgɔmndo cho naa yɛ chɔm kaa naŋ nɔ a diondɔɔ okɔɔ wo. O nyɛ o nyɛ niŋ o yoomu naa niŋ, ŋ yeema miŋ chɔm maa “buɛiyaa Mɛlɛkaa naa ŋ cho ni.”—2Kɔl 6:3, 4.
LA TOFA VIDUEIYO HOO MƐLƐKA KAALA WANAA DIANDAA OKOŊ, MI LA MULI NYUNALAŊ NDAŊ:
Kafɛila kuɛɛ apum yɔŋgu yɛ le kiɔɔ nyɛm ndaŋ kɛsioo ŋ diandaa?
Vɛɛ sawala Mɛlɛka ke Muuse laŋ la chɔm yɛ mɛɛ Chɛhowa che diondɔɔ yɛ?
Vɛɛ naŋ saŋgala yɛ Chɛhowa miŋ dimi bɛɛ nyɛ o nyɛ le?
Vɛɛ ya chɔm yɛ o yoomu nuu niŋ maa I che diondɔɔyɛi mɛɛ Chɛhowa che ndi yɛ?