Vɛɛ Kpɛ Diom Mɛlɛkaa Cho Yɛ o Sɔvɛ le Num?

Diomnda Chɛhowa Mɛlɛkalaŋ vɛlɛ a yiyaŋnda ndɔlaŋ la cho o Baabuiyo niŋ ni. Ndu nɔ yau sɔviɔɔ hoo ni. (2Pitɛ 1:​20, 21) Baabuiyo chɔm maa yoomoo cho suŋ wa o kɛndɛ, a mɛɛ o kindila kpaaya Mɛlɛka nɔ le waa masa wo yɛ sanaa a Masale ndɔleŋ. Baabuiyo chɔm naa vɛlɛ suliŋnda kaalaa Chɛhowa Finya naa o cho o choo choo niŋndo nɔ laŋ.​—Sam 86:​15.

Naa pilɛŋ pilɛŋnda che Diom Chɛhowaa o sɔvɛ le sabulaŋ yɛ yɛ. Baa ŋ chɔm pa maa ŋ che ke sɔviɔɔ hoo maa nyɛ sɔvɛ sanaa a diomndaŋ veeloo leniŋ lɔɔlɔɔ, nduyɛ miŋ dɔu nyɛ naŋ pɛɛku wo o wali niŋ? Maa kaala naalaŋ la chɔm maa ŋ nɔ yiyaŋ pilɔɔ a wana poonyiaa ŋchondoo, mbo dimi aa: “I kaala sawala numndaŋ bɔɔ Mɛlɛka.”—Sam 119:​97.

HANDU VIDUEIYO HOO, MA CHUA BAABUIYO MAA YAU SƆVƐ—BUŊGƐI PƆMBƆ (WILLIAM TYNDALE) OKOŊ, MI LA MULI NYUNALAŊ NDAŊ:

• 

  Le yɛɛ William Tyndale hivi yɛ Baabuiyo buŋgɛi pɔmbɔ?

• Lɛ yɛɛ sɛmbɛ ndɔɔ le Baabuiyo hivioo wa yɛ suɛi sɔvɛ?

• Vɛɛ nda looku yɛ yaula Baabui Tyndale poonyiaa laŋ viŋi o Iŋkilaŋ niŋ?

• Vɛɛ naŋ chɔm yɛ maa Diom Mɛlɛkaa cho o sɔvɛ le naa?