“Mi Lɛŋndeŋ le Sɔɔsiaa” Pioo

Chɔŋ o sindɔɔ niŋ, masaa lelɛŋnda cho niŋ wanaa Chɛhowaa malaa teleŋnda bɔɔbɔɔ. (Ɛsi 6:​1-12; Ɛsita 8:​10-13) Hau bɛɛ, ŋ cho chɔɔ mɛɛ masaa waa o ‘lɛŋnde’ niŋ, a nɔ sinapɛŋgoo wa cho ‘pee’ nyɛpalaa “tambalakaa,” ɔɔ Setana Masa Nyinaa Wɔɔŋnda cho soliŋndo o sondo wo sɔɔsiaa yɛ. (Sɔɔŋ 12:​16) Lepum, mi Chɛhowa, “Mɛlɛka piŋi” wo soliŋ masaa waŋchieeya kpeku le ma mala wanaa nduaa.​—Sam 68:​20; Pulɔ 21:​1.

Kɛ, te o wa yɛ ma dɔu num o chiɛi manyumndo niŋ le laalaŋ numndo? Kposoŋ bɛɛ wa a kiisaŋ te, Chɛhowa cho num manda. (Chɛ 39:​21-23; Sam 105:​17-20) Nɔ tiindaŋndo maa a cho fandaa sɔla, nduyɛ maa biuwɔŋ numndo cho puaapiliaa chieeŋndo balɔɔ silɔ kɔl dɛɛniaa kioo.​—Fil 1:​12-14; Sɔɔŋ 2:​10.

TOFA VIDUEIYO HOO PUAAPILIAA KOOLIAA SƆLA MALƆƆ O CHIƐI MANYUMNDO NIŊ, OKOŊ MI LA MULI NYUNALAŊ NDAŊ:

• Le yɛɛ nda dɔu yɛ puaapiliaa naa o waalaŋ niŋ o chiɛi manyumndo niŋ Saut Kooliaa o wɔsila hiou laŋ niŋ?

• Chiɛila kialaa iyamala kuɛɛ tosa yɛ ma keleŋa puaapiliaa naa apum malɔɔ?

• Vɛɛ naŋ mala yɛ puaapiliaa naa chieeŋndo balɔɔ silɔ, a cho suŋ suŋ o chiɛila manyumndaŋ niŋ le laalaŋ ndaa wa?

• Vɛɛ naŋ soliŋ yɛ hɛnɛkɛyɛi naŋ cho tueiyɔɔ yeela suŋ suŋ nde kpeku?

• Nɛɛ cho yɛ tosaa miŋ wa dioo sɔlaa o chiɛila kialaa iyamala kɛ kɛ niŋ?