Ŋ WAŊNUŊ MAA ŊKILISIƆŊ

Chɔm Kaa Tusiaŋndo te Acheleŋnda Saŋgala Num Pɛ

Lepum mi waŋnda chandu naa ɔɔ ma saŋgala naa. Mi hei dɛɛniaa naa kɔltaŋ te yɔŋ pɛ maa a kɔl ndaa kpou nda cho ndi tosaa ni, nduyɛ mbo wa o nɛi kɛndɔɔ choo. (Pulɔ 15:23; 31:10, 28) Kɛ ŋ nɔ miŋ wa yekeŋ yɔŋii hei tosa miŋ kandu yiyaŋndo maa ŋ bɛnda miŋ hiau a cheleŋnda ɔɔ miŋ heeluŋ.

HANDU VIDUEIYO HOO CHƆM LO LECHOO WO MAA CHIISU—TE A SAŊGALA NUM PƐ, OKOŊ MI LA MULI NYUNALAŊ NDAŊ:

Ɔɔ sɔɔŋ ŋpum ŋ waŋnda saŋgala naa le muŋ ndoŋ?
Vɛɛ puaapiliaa saŋgala yɛ Siafaa?
Vɛɛ ndaa hiou yɛ ba a ndu saŋgalaa?
Yɛɛ ŋ pɛɛku yɛ o muli Siafaa yɔŋgu wo niŋ?

A mɛɛ naŋ che o vidueiyo hoo niŋ yɛ, ‘Chɔm Lo Lechoo wo Maa Chiisu—Te A Saŋgala Num Pɛ,’ puaapiliaa waŋnda ke bɛɛleŋ tau wa cho Siafaa saŋgalaa, mbo wa nda mulullo a lebɛɛ.