Yɛɛ Bɔŋaŋ Hiouwɔɔ Choo Wo Sim yɛ le Kilisiɔŋnda?

12:​5-7, 12, 13, 24-27

Le mi Isɔluɛiya ndaa sɔla pioŋɔɔ a teleŋ kpundɛ tɔ ndɔɔ, ndaa nɔ mi ndaa diikuŋ nɛila chɔmaala Chɛhowalaŋ. (Ɛs 12:​28) O paale Nisaŋ ndeŋ choo 14, mi Chɛhowa dimul Isɔluɛiya le ma chuuŋgiaŋ ichɔl koŋ o chiɛila ndalaŋ niŋ a yuŋgula ndalaŋ. Ndaa nɔ mi ndaa dii saa fɔŋndɔɔ ɔɔ chuiŋ fɔŋndɔɔ o ndoo chii niŋ wɔsioo opilɛ wo, nduyɛ ndoo nɔ mi ndoo nɔ sɔŋ o sɔŋ te. Ndaa nɔ mi ndaa suu kooma chɔlu koŋ o keedoŋ, a o dakpeŋndaŋ vellaa velle, okoŋ mi ndaa tuɛi chɔlu koŋ kpou, ma keleŋa ndu dio chɔ chɔ. Haa mi paaleŋ lee sɛ, wana o wana ndoo nɔ mi ndoo fula o bɛɛ le.​—Ɛs 12:​9-11, 22.

Ɔɔ nɛilaŋ lapum la diikɔŋndo manda naa hau laŋ?