A Nɔla Pa Ma Soliŋ Teleŋ Numndo a Yoomuma Numndaŋ Kpeku?

A mɛɛ Aisaya dimi yɛ, ŋ cho hau chɔɔ mɛɛ kumbuii kɔɔna Chɛhowaa o lɛŋndeŋ choo cho hiouwɔɔ lachi a kuiyo yɛ. (Ai 54:​2) Le hei, yeemɛi cho tau le Toŋgola leMasala sɛnɛilaŋ taŋgullo, Toŋgola naŋ bii Bɔŋaŋnda Bɛndaŋ ndo, a lɛuwoŋ. Te taŋgultaŋ ndaŋ la chuu pɛ, ŋ nɔ miŋ wa laŋ biyɔɔ nyɛkɛndɛi, nduyɛ miŋ wa fondaŋnda tambu laŋ miŋgioo toosiaa. Vɛɛ hei ke yɛ num fondaa le teleŋ numndo a yoomuma numndaŋ soliŋndo kpeku le Chɛhowa?

• Ŋ yɔŋguŋ le kɔlaŋ Toŋgo leMasaa dindioo te o yɔŋ pɛ maa kunda naa wali pollo nɔ le ndu dindioo ni

• Ŋ yɔŋguŋ le miŋ sɔla pɛɛkoo a mɛɛ naŋ nɔ miŋ bii Toŋgo naa leMasaa yɛ

• Ŋ nɔla miŋ peelu Yauwo le Yɔŋgɔŋndo le Wali Taŋgulaa Tosaa (DC-50) le malaa le taŋgullo Toŋgola leMasalaŋ, a fondaŋnda tambu laŋ miŋgioo bɛɛndiaa o tanda naa niŋ

• Ŋ nɔla vɛlɛ miŋ peelu Yauwo le Yɔŋgɔŋndo le Wallo (A-19) le kɔlaŋ malaa le lɔɔ opilɛ, ɔɔ lɔɔlaŋ la tiɔɔŋ o tanda lɛuvii nɛi bɛŋgu o Bɛtɛɛl ɔɔ lɛuvii cheleŋ

TOFA VIDUEIYO HOO KƐƐSIAALA SƐNƐI TOSAŊ A TAŊGULTAŊ OKƆƆ LAŊ—BUŊGƐI PƆMBƆ, OKOŊ MI LA MULI NYUNALAŊ NDAŊ:

• Tɛɛsiaawɔ mɛɛ naŋ soliŋ niŋ vidueilaŋ kpeku tau chɔŋ a wɔsii 2014 yɛ?

• Le mɛɛ naŋ soliŋ niŋ vidueilaŋ kpeku tau o Chɛhowa piɛiyo niŋ yɛ, kɛɛsiaa yɛɛ tosaŋ yɛ a hei okɔɔ nduyɛ vɛɛ kpɛ wali taŋgulaa hoo o chua yɛ niŋ teleŋndo le chuwɔɔ?

• Vɛɛ wanaa cho yɔŋgɔŋ nda mala yɛ niŋ a wali taŋgulaa hoo?

• Te o yɔŋ pɛ maa o tanda lɛuve Amɛlika niŋ ŋ cho ni, nduyɛ ma yeema malaa a wali taŋgulaa cho Ramapo wo pɛ, le yɛɛ o bɛnda yɛ ma peelu Yauwo le Yɔŋgɔŋndo le Wali Taŋgulaa Tosaa (DC-50), nduyɛ ma wa pɔɔ malaa yɔŋgoo a walta taŋgulaa la cho tosaŋndo num ikɛi laŋ?

• Yɛɛ chɔm yɛ kpendekele maa Chɛhowa cho nɛi chɔmaa yɔŋgoo a wali taŋgulaa hoo okɔɔ ni?

• Vɛɛ naŋ toolu yɛ wali taŋgulaa hoo o yɔŋ bɛɛ miŋ nɔla kɔlaŋ naa taŋgullo hoo cho wa wa le?