Feleŋguaa—Baa Chɛhowa Cho Chaaŋ Nya Kɛndɛ Kɛndɔɔ Ni?

Suliŋnda yɛɛ ŋ yeema yɛ mi chaaŋ nuŋ nɔ? Naapum a yeema ndu mbo wa wana ikɛndɛ, nduyɛ mbo chɔm num lo lechoo wo. Suliŋndaŋ kpou Chɛhowa nɔlaŋ. (Ɛs 34:​6; Walta 14:​17) Te a piɛi pɛ o ndu lo mbo yaŋ num nilaŋ. Teleŋ o teleŋ ŋ hau pɛ ba le malaa mbo mala num. (Sam 18:​19, 35) Nduyɛ mbo mal num haki te a tosa pɛ biondɔŋndaŋ. (1Chɔŋ 1:​9) Nuawɔ se mɛɛ Chɛhowa cho chaŋyɛi kɛndɛ yɛ!

Vɛɛ ŋ looku yɛ simnɔŋ chaaŋ o Chɛhowa? Wa diomndaŋ veeloo o Baabuiyo niŋ le ma sina a ndu o kɔɔ. Chɔm ndu bahawɛila numndaŋ. (Sam 62:​8; 142:​2) Chɔm maa num bɛɛ sɔɔŋ Chɛhowa che ŋ sɔvɛ woŋ cho ŋ sɔvɛ le num. Sɔɔŋ muŋ ŋ pum cho yɛ Masale ndɔleŋ, Po ndɔɔ, a sɔɔŋ o dimi le hunɔɔ tosaa o chilaŋ niŋndoŋ ni. Nduyɛ ma dimul a cheleŋnda a ndu okɔɔ. (Di 32:​3) Te a hiou pɛ lachi a nɛilaŋ nuuviaa le waa o chaŋyɛi niŋ kpɛɛluŋ a Chɛhowa, ndu bɛɛ cho wa chaaŋ num lefafɛɛŋ.—Sam 73:​25, 26, 28.

TOFA VIDUEIYO HOO FELEŊGUAA—“LA TOFA MI LA CHE MƐƐ CHƐHOWA CHO WANA KƐNDƐ YƐ,” OKOŊ MI LA MULI NYUNALAŊ NDAŊ:

• 

  Vɛɛ ŋ bɛɛndiaŋ yɛ le yɔŋgɔŋndo o Chɛhowa lo nduyɛ ma sɔla yiŋɔɔ?

• 

  Vɛɛ wanaa cho o kundaa niŋnda mala yɛ num le Chɛhowa piɛiyo?

• 

  Vɛɛ yooŋgu kɛndɔɔ dimioo mala yɛ num ma kindi chaŋyɛi cho num tɛɛŋ nya Chɛhowa ve?

• 

  Walta yɛɛ ŋ nɔla yɛ ma tosa o kɔɔna Chɛhowaa niŋ?

• Yɛɛ ŋ hɛnaŋ yɛ a Chɛhowa okɔɔ?