Kalaŋ Chuauwa, La Pɛɛku Chuauwaa Nyaa Sɔɔŋ Nda Nɔ Ma Sina Woŋ

O chieeŋ naŋ cho hau niŋndo, waŋnda siiŋguu sɔɔŋ kɛndɔŋ maa sɔɔŋ wɔɔŋ, ma siiŋguu sɔɔŋ wɔɔŋndoŋ maa sɔɔŋ kɛndɛ. (Ai 5:​20) Nduyɛ mi waŋnda apum tosa hau sɔɔŋ Chɛhowa tul leyɛ woŋ, mɛɛ poo a poo ɔɔ chuaa a chuaa hiniei tosaa cho naa yɛ. Nduyɛ chuaambuaa naa kua o sukuu wa, mi chaaŋaa ndaa, a wanaa cheleŋnda kindiŋ le nda balaŋ lueiyo o sɔɔŋ wɔɔŋndoŋ muŋ niŋ. Vɛɛ ŋ bɛɛndiaa yɛ chuauwaa numnda le ma tiu simultaŋ ndaŋ a la cheleŋndaŋ ba?

Pɛɛku chuauwaa numnda sawala Chɛhowalaŋ nyɛkɛndɛi. (Lɛvi 18:​3) Mɛɛ chuauwaa numnda hindu fau, wa nda pɛɛkoo le ma sina nyɛ Baabuiyo dimi a hiniei okɔɔ wo. (Di 6:​7) Nyunaŋndɔ aa: ‘I pɛɛku niŋ pa chuauwaa niaa mɛɛ nda nɔ ma chɔm kaala kpeekpeiyo yɛ, le sabu i cho suɛi sɔvɛ le chuɛɛnɔŋndo nyɛkɛndɛiyo, nduyɛ a le sabu nda nɔ ma chɛl mi waŋnda pisul a dialuŋ ndaŋ lasiɔmboŋ te wo? Baa chuauwaa niaa cho pa sina nyɛ nda nɔ le tosaa wo te waŋndo kindiŋ pɛ le nda wunduma tumfonduaŋ chɔmndo, ɔɔ te kaasoŋnɔɔ dimul nda pɛ le tosaa suɛi Chɛhowa tul leyɛ ve?’ Te a pɛɛku pɛ chuauwaa numnda a teleŋ nda wa chɔnɔŋndo wo, mi hei mala nda le ma kpakpala kpundɛlaŋ. (Pulɔ 27:​12; Iki 7:​12) Nduyɛ te a pɛɛku pɛ chuauwaa numnda, hei chɔm kɛsɛ maa a kaala nyɛm kɛŋ Chɛhowa ke numndoŋ.—Sam 127:​3.

TOFA VIDUEIYO HOO, TAŊGUL CHIƐI LO LEFAFƐƐŊNDO—MANDA CHUAUWAA NUMNDA LE MA FAFAŊ ‘SUƐI DƐNƐWƆƆŊNDE,’ OKOŊ MI LA MULI NYUNALAŊ NDAŊ:

• 

  Le yɛɛ kalaŋ chuauwa apum kɛɛ yɛ suɛi o chuauwaa ndaa lo a hiniei okɔɔ?

• 

  Le yɛɛ kalaŋ chuauwa nɔ yɛ ma pɛɛku chuauwaa ndaa ‘pɛɛkula Chɛhowalaŋ, nduyɛ ma sila nda silala ndɔlaŋ?’—Ɛfi 6:​4

• 

  Nyɛm yɛɛ kɔɔna Chɛhowaa ke yɛ kalaŋ chuauwa le nda malaa ma pɛɛku chuauwaa ndaa a hiniei okɔɔ?—w19.05 12, kɔfoo

• Le yɛɛ o bɛnda yɛ mi la wa suukaŋndo teleŋ o teleŋ nya chuauwaa numnda tuupa mi bahawɛilaŋ la komal nda?