Ŋ Cho a Kɔɔnaa le Wana o Wana Yooŋgu Kɛndɔɔ Dimullo

Mɛɛ Chɛhowa ndoo kɔɔna Isɔluɛiya yɛ, lende koni o kɔɔna hau wanaa nduaa ni le hɛnaŋ ndɔɔ tosaa. Chieeŋndo balɔɔ silɔ, wanaa Chɛhowaa cho a kɔɔnaa a lɛuwoŋ, buŋgaŋ, kundalaŋ, a kundala dimiaa yooŋgu kɛndɛlaŋ. Nduyɛ nda kpou cho wallo diompilɛ le yooŋgu kɛndɔɔ dimioo. Miŋ dimul wana o wana yooŋgu kɛndɔɔ, hali wanaa dimi bɛɛ sɔɔŋ maŋgalaŋ cheleŋnda.—Sɔɔŋ 14:​6, 7.

A yiyaŋ niŋ pa le suɛi maŋgalɛi cheleŋ pɛɛkoo le halikpeŋ ma mala waŋndo mbo pɛɛku tonyaa? O yɔŋ bɛɛ ma nɔ teleŋ bɔɔ le suɛi maŋgalɛi pɛɛkoo le, a nɔla ma soliŋ JW Language kpeku le sɔɔŋ pum pɛɛkoo le suɛi o waŋnda lo. Te o yɔŋ pɛ ma soliŋ nyɛ ŋ pɛɛku wo kpeku o wali pollo niŋ, a cho wa a kɔl kɛndɛ maa Kilisiɔŋnda o wɔsiŋ kɛmɛ tasoŋ niŋ. A wa a kɔl kɛndɛ kanifuule, mɛɛ nda dimul waŋnda a “walta kɔndɔfilta Mɛlɛka tosa laŋ okɔɔ” o sɔɔŋ ndaŋ maŋgalaŋ niŋ, mi kaamaa bii waŋnda haa.—Walta 2:​7-11.

TOFA VIDUEIYO HOO SIMNUŊ CHAAŊ O CHƐHOWA—YOOŊGU KƐNDƆƆ DIMIOO O SUƐI MAŊGALƐI CHELEŊ NIŊ, OKOŊ MI LA MULI NYUNALAŊ NDAŊ:

• 

  Vɛɛ JW Language mala yɛ num?

• 

  Ɔɔ sɔɔŋ ŋpum ŋ JW Language nɔ woŋ?

• 

  Sɔɔŋ maŋgalaa yɛɛ waŋnda dimi yɛ o tanda numndo niŋ?

• Yɛɛ ŋ nɔ yɛ ma tosa te wana dimi suɛi maŋgalɛi cheleŋndo chɔm pɛ yeemɛi o yooŋgu kɛndɛ leMasaa niŋ?—od-E 100-101 ¶39-41