“Kaala Kiliti kaala naa wo ndu cho wallo a naa ni.”—2Kɔl 5:14
Ŋ WAŊNUŊ MAA ŊKILISIƆŊ
A Nɔla Pa Ma Tosa Kɔɔfale Malalaŋndeŋ o Paŋgii Fuoo ɔɔ o Paŋgii Nyaakuɛiyo Niŋ?
Baa a yeema pa ma tosa tau o wali Chɛhowaa niŋ a teleŋ Loonuŋyaa? (2Kɔl 5:14, 15) Kɔɔfaa malalaŋnda nɔla ma tosa kɔɔfaleŋ le hawɛilaŋ 30 ɔɔ 50 o yooŋgu kɛndɔɔ dimioo niŋ, le paŋgii Fuoo a Nyaakuɛiyo. Te o yɔŋ pɛ maa a tiuba le ma tosa kɔɔfale malalaŋndeŋ, mɛɛ peelu yauwo ma ke Kunda Hɔlte Bɛnduaa o kunda numndo niŋ. Ipaŋgu o ipaŋgu, a cho wa wanaa nda chɛl le kɔɔfale malalaŋndeŋ tosaa wa yondaa o kundaa niŋ. Hei cho tosa mi wanaa cho o kundaa niŋ nda toolu kɔɔfaa haa o wali pollo niŋ. Maa naa kpou soliŋ teleŋ Loonuŋyaa hoo kpeku, le hiouwɔɔ lachioo tosaa o yooŋgu kɛndɔɔ dimioo niŋ a le kɔltaŋ dɛɛniaŋndo vellaa velle.—1Tɛs 5:11.