A Cho Pa Bɛɛndiaŋndo le Loonuŋyaa?

Bɔŋaŋ Hiouwɔɔ Choo mɛɛlaa Chiisu biiyo wa bɔɔ o sɔvɛ. Le mɛɛ piɔm ndɔɔ wa niŋ kpɛɛluŋ yɛ, mbo kɛɛsiaa le nyɛdiaa Bɔŋaŋ Hiouwɔɔ Choo Wo dioo a buɛiyaa nduaa latulu, okoŋ mbo kila bɔŋaŋ iwɔsi cheleŋ. Ndu wa yɛ Nyɛdiaa Ichɔl Salamanɔɔ ni. Le hei, mbo viam Pitɛ nda Chɔŋ le ma kɔ toosiaa fondaŋndo. (Luk 22:​7-13; tofa fotueiyo o kɔɔ.) Hei yiyalaŋ naa maa, ŋ nɔ miŋ bɛɛndiaŋ le Loonuŋya cho wa a Fuoo 27 wo. Naapum Kundalaŋ la cho niŋ ndɔɔ kɛɛsiaalaŋ tosaa le wana cho suɛi yɔŋgu wo, muɛiyaŋ a beediiyo, a sɔɔŋ cheleŋ. Kɛ, yɛɛ naa pilɛŋ pilɛŋnda nɔ yɛ miŋ tosa le miŋ bɛɛndiaŋ le Loonuŋyaa?

Bɛɛndiaa kɔl numndo. Veelu diomndaŋ o bolii Baabui cho a Loonuŋyaa okɔɔ ve niŋ, nduyɛ ma yiyaŋ lechoo. A saaluŋ kɛɛsiaa cho a bolii Baabuiye hei okɔɔ wo o yauwo hoo niŋ, Pɛɛku Diom Mɛlɛkaa Lepaa o Lepaa. Le chɔɔloo sinaa a kɛɛsiaa hoo okɔɔ, nua buŋgɛi 16 o Yau Mala Naa le Diom Mɛlɛkaa Pɛɛkoo Wo niŋ. (A nua vɛlɛ o yau Yoomu Naa leKilisiɔŋndo a Wali Pollo niŋ le Nyaakuɛiyo 2020.) Le sinaa mɛɛ sala baŋaa cho nyɛ sɔvɛ yɛ, yuŋgulaŋ la tiuba ma tofa o Yau Yaasiaa Ŋsɔɔ le Seiyaa Chɛhowaa niŋ a teleŋ pɛɛku nda leyuŋgoo.

Veelu waŋnda. Yɔŋguŋ tau le waŋnda veeloo le Loonuŋyaa. Yiyaŋ a wanaa ŋ tuu le veeloo wa, mɛɛ miiŋgula makɔɔlaŋ, wanaa ŋ wa paandu Baabuiyo pɛɛkoo wa, wanaa ŋ sina wa, a wanayaŋ numndoŋ cho naa yɛ. Bɛnduaa nɔ ma veelu wanaa kelu kɔlaŋ o bɔŋaŋndaŋ a o wali pollo niŋnda. Loonuŋ maa te waŋndo ve o tanda numndo niŋ te, a tiuba ma saaluŋ fondaa a teleŋ Loonuŋyaa cho biinɔŋ o tanda ndɔɔ niŋndo. Le hei sinaa, kɔ o jw.org ma chuku A NAA OKƆƆ, okoŋ ma hɛli “Loonɔŋndo.”

Yɛɛ cheleŋ naŋ nɔ yɛ vɛlɛ miŋ tosa le bɛɛndiaŋndo?