Chɔm Kaalaa o Yuŋgoo Niŋ

Kaalaa cho nyɛ tosa mi yuŋgoo wa diompilɛ wo ni. Te kaalaa ve o yuŋgoo niŋ te, o kendu mi diompilɔɔ wa wanaa cho o yuŋgu koŋ niŋ nda tɛɛŋ. Vɛɛ piaanduaa, laanduaa, a kalaŋ chuauwa chɔm yɛ kaalaa o yuŋgoo niŋ?

Pɔnɔ kaala laa ndɔ wo buulaŋ le yeemaŋ laa ndɔ woŋ, vɛlɛ a yiyaŋnda ndɔlaŋ. (Ɛfi 5:​28, 29) O nɔ mbo ke yuŋgu ndɔɔ nyɛm nda hauba woŋ, nduyɛ mbo mala nda o Mɛlɛka piɛiyo niŋ, mɛɛ Pɛɛku leYuŋgoo tosaa cho naa yɛ. (1Timo 5:​8) Lanɔ kaala pɔnɔ ndɔ wo nɔ mbo tusiŋ ndu o ba bɛŋgu, nduyɛ mbo ke ndu ‘bɛɛle yiŋgoloŋndeŋ.’ (Ɛfi 5:​22, 33; 1Pitɛ 3:​1-6) Pɔnɔɔ a lanɔɔ nɔ ma wa malnaŋndo haki fasɛi. (Ɛfi 4:​32) Kalaŋ chuauwaa kaala chuauwaa ndaa wa nɔ ma buulaŋ le chuauwaa ndaa kpou, nduyɛ ma pɛɛku nda le Chɛhowa kaalaa. (Di 6:​6, 7; Ɛfi 6:​4) Baa a sina pa simulta chuauwaa ndaa cho sɔlaa o sukuu laŋ? A sina pa nyɛkindilaa nda cho biuwɔŋndo chaaŋaa ndaa o ba wo? Te kaalaa wa pɛ o yuŋgoo niŋ, mi wana o wana cho o yuŋgu koŋ niŋ waŋnuŋ hɛnɛkɛ.

TOFA VIDUEIYO HOO HIOU LACHI A KAALAA CHƆMNDO O YUŊGU NUMNDO NIŊ, OKOŊ MI LA MULI NYUNALAŊ NDAŊ:

• 

  Vɛɛ pɔnɔ kaala laa ndɔ wo mala yɛ laa ndɔ o Mɛlɛka piɛiyo niŋ, nduyɛ mbo bii ndu nyɛkɛndɛi?

• 

  Vɛɛ lanɔ kaala pɔnɔ ndɔ wo ke yɛ ndu bɛɛle yiŋgoloŋndeŋ?

• 

  Vɛɛ kalaŋ chuauwaa kaala chuauwaa ndaa wa pɛɛku yɛ nda Diom Mɛlɛkaa?