Waa Wana Kɔl Simulaa Cho Nyɛ Kala Kala Le

Kɔl simulaa cho ni, waa a dialuŋ kala, ma vesa hɔlla, nduyɛ ma sim yi. O sim naa maa siooŋii bii naa kposoŋ te le. Kɛ te ŋ nɔ pɛ kɔl simulaa, ŋ chɛl mi siooŋnde kuuna naa nyɛ tosa le. Ŋ tiuba miŋ nɔ kɔl simulaa, te ŋ tiindaŋ pɛ Chɛhowa, wana cho puundule kɔl simulaa kpeekpeiyo wo. (Sam 28:​7) Vɛɛ feleŋguaa chɔm yɛ kɔl simulaa?

TOFA VIDUEIYO HOO TUAL TAAMASI WANAA NƆ SIOOŊNDE WA KƆƆLI LE, KƐ WANAA NƆ KƆL SIKPAA WA! OKOŊ MI LA MULI NYUNALAŊ NDAŊ:

• O sɔɔŋ yɛɛ niŋ feleŋguaa nɔ yɛ ma chɔm kɔl simulaa?

• Bundɔŋ Baabui kuɛɛ mala yɛ naa miŋ nɔ kɔl simulaa?

• Vɛɛ naapila a wanaa cho naa tofaa wa sɔla yɛ tɔnɔɔ o kɔl simulaa naŋ chɔm ndo niŋ?